بەردىبەك ساپاربايەۆتىڭ قالا ىشىندە قوعامدىق كولىكپەن جۇرگەنى تۇسىرىلگەن ۆيدەو پايدا بولدى
استانا. قازاقپارات - الەۋمەتتىك جەلىلەردە اقتوبە وبلىسىنىڭ اكىمى بەردىبەك ساپاربايەۆتىڭ قالا ىشىندە قوعامدىق كولىكپەن جۇرگەنى تۇسىرىلگەن ۆيدەو جاريالاندى، - دەپ حابارلايدى TengrinewsTV.
كۋاگەرلەردىڭ ايتۋىنشا، اكىم اۆتوبۋسقا 1 -جەلتوقساندا مىنگەن. وبلىس باسشىسى تۇڭعىش پرەزيدەنت كۇنىنە ارنالعان شارادان كەيىن ورتالىق الاڭعا شىرشانى جاعۋعا بارىپتى. اكىممەن بىرگە اۆتوبۋستا اقساقالدار مەن جەرگىلىكتى يمام بولدى. بەردىبەك ساپاربايەۆ الاڭعا اۆتوبۋسپەن بارۋدى ءوزى ۇسىنعان. ول اۆتوبۋس ىشىندە جول بويى وتىرعان جوق.
ايتا كەتەيىك، بەردىبەك ساپاربايەۆ شىعىس قازاقستان وبلىسىنا اكىم بولعان كەزدە دە قوعامدىق كولىكتەردى بىرنەشە رەت تەكسەرگەن بولاتىن.
