ماماندار انا ءتىلىن ۇمىتۋ مۇمكىن ەمەستىگىن دالەلدەدى

جاڭا زەرتتەۋگە 10-نان 17 جاسقا دەيىنگى جاس ارالىعىنداعى بالالار قاتىستى، دەپ جازدى «گازەتا. RU«.

ءبىرىنشى توپتان ەرىكتىلەر فرانسۋزشا سويلەگەن وتباسىدا تۋىپ، تاربيەلەنگەن. ەكىنشى توپ قاتىسۋشىلارى قىتايدا تۋىپ، ءۇش جاستارىندا فرانسۋزشا سويلەيتىن وتباسىدا وسكەن. بۇل بالالار قىتايشا سويلەگەن. ال ءۇشىنشى توپ ەرىكتىلەرى فرانسۋزشا دا، قىتايشا دا سويلەگەن، ياعني قوسءتىلدى بولعان.

 ماماندار تاپسىرما بەرەدى. بالالار فرانسۋزدىڭ « vapagne» جانە « chansette» سوزدەرىن سايكەستەندىرۋى ءتيىس. سونىمەن بىرگە، زەرتتەۋشىلەر ەرىكتىلەردىڭ مي بەلسەندىلىگىن م ر ت پايدالانىپ، باقىلاعان. بالالار تاپسىرمانى بىردەي جاقسى ورىنداعان. الايدا مي بەلسەندىلىگىنەن ەركشەلىك بايقالدى.

 تەك فرانسۋز تىلىندە سويلەيتىن قاتىسۋشىلار تاپسىرما ورىنداعاندا، ولاردىڭ سول تومەنگى ماڭداي قاتپارىندا جانە ميدىڭ الدىڭعى شار تارىزدەس بولىگىندە بەلسەندىلىك ارتقان. ال ەكى باسقا توپتاعى بالالاردا وڭ ورتا ماڭداي قاتپارى مەن سول ورتا ماڭداي قابىعىندا، ەكىجاقتى جوعارعى ساماي قاتپارىندا بەلسەندىلىك دەڭگەيى ارتقان. سونىمەن، ءوز تىلىندە كوپتەن بەرى سويلەمەگەن قىتايلىق ەرىكتىلەر ءسوزدى قوسءتىلدى قاتىسۋشىلار سياقتى قابىلداعان.