ەردوعان رەسەي ۇشاقتارى ءوز ەلىنىڭ كەڭىستىگىنە كىرەتىن بولسا تاعى دا اتىپ تۇسىرەتىنىن ايتتى

بۇل تۋرالى ر ي ا «نوۆوستي» حابارلادى دەپ جازادى ras.kz.

«ەگەر ءبىزدىڭ اۋە كەڭىستىگىمىزدىڭ شەكارا ءتارتىبى بۇزىلار بولسا، وعان لايىقتى جاۋاپ قايتاراتىن بولامىز»، - دەدى تايىپ ەردوعان.

تۇركيا كوشباسشىسى رەسەي ۇشاعىنا اسكەري قىزمەتكەرلەر العان نۇسقاۋعا سايكەس «اۆتوماتتى رەاكسيا» ناتيجەسىندە شابۋىل جاسالعانىن ايتتى.

«تۇركيا تاپ رەسەيگە زالال كەلتىرەيىن دەپ ويلاعان جوق. سول ساتتە ۇشاقتىڭ ۇلتتىق ەرەكشەلىگى بەلگىسىز بولدى»، - دەدى تۇرىك پرەزيدەنتى.

ول ءوز سوزىندە رەسەيدى د ا ي ش- پەن ەمەس، ولشەمدى وپپوزيتسيامەن سوعىسىپ ءجۇر، ال ناعىز «يسلام مەملەكەتىمەن» جۇرتتىڭ ءبارى سوعىسىپ جاتىر، دەپ ايىپتادى.