ساحا ەلىندەگى الماز كوشكىنى تاسجولدى جاۋىپ تاستادى
اتالعان وقيعا 28 -قاراشا كۇنى بولعان. تاسجولدىڭ كولىك قوزعالىسىنا قيىندىق تۋدىرعان سوڭ، دەرەۋ اينالىپ ءوتۋ جولدارى ۇيىمداستىرىلدى. كەزەكتى تابيعي اپات دەپ قابىلداعان ادامدار ەش الاڭسىز تازالاۋ جۇمىستارىنا كىرىستى. ال سەيسەنبى كۇنى جولعا تۇسكەن كوشكىننىڭ ىشىندە كوپ مولشەردە الماز تاستارى بار ەكەندىگى انىقتالعان.
جاقىن ماڭدا ورنالاسقان الماز ءوندىرۋ كاسىپورنىنا قاراستى كەن-بايىتۋ فابريكاسىنىڭ قويماسى جاقتان قۇلاعان كوشكىن ماسساسىندا اسىل تاستىڭ بەلگىلەرى انىقتالعان. بۇل پايدالانىلعان تاس قالدىقتارىنىڭ كوبى وتكەن عاسىردىڭ 60- جىلدارىندا وندىرىلگەن. ساحا ونەركاسىپ مينيسترلىگىنىڭ مالىمدەۋىنشە، قالدىقتاردىڭ قۇرامىندا كوپ مولشەردە الماز ساقتالعان. قازىرگى زاماناۋي تەحنولوگيالار ارقىلى كوشكىن ماسساسىنان ءبىراز المازدى الۋعا بولادى.
مامانداردىڭ باعالاۋىنشا، وتكەن عاسىر تەحنولوگياسى شيكىزاتتاعى المازدىڭ 88 پايىزىن عانا وندىرە العان. دەمەك قالعان 12 پايىز قازىر تاسجول ۇستىندە جاتىر.
BNews.kz
