عالىمدار: ەر مەن ايەلدىڭ ميلارىندا ايىرماشىلىق جوق
استانا. قازاقپارات - ادەتتە ەر ادامنىڭ ميى تالداۋ جاساۋعا كوبىرەك قابىلەتتى، ال ايەلدەر بۇل تۇرعىدان العاندا شىعارماشىلىققا بەيىم دەگەن پىكىر قالىپتاسقان. ءبىراق، عالىمدار ەرلەر مەن ايەلدەر ميىنىڭ اراسىندا ەشبىر ايىرماشىلىق جوق ەكەندىگىن دالەلدەدى.
وسىعان بايلانىستى جۇرگىزىلگەن عىلىمي زەرتتەۋ ناتيجەسى Proceedings of the National Academy of Sciences باسىلىمىندا جاريالاندى.
سىناق بارىسىندا نەيرو بيولوگتار ماگنيتتى- رەزونانستى توموگرافيا ادىسىمەن (م ر ت) تۇسىرىلگەن 1400 دەن اسا سۋرەتتى تالداپ شىقتى. ولاردىڭ ايتۋىنشا، ەرلەر مەن ايەلدەردىڭ ميىنداعى اق جانە سۇرى ءتۇستى زاتتار ءار تۇستا ءارتۇرلى كولەمدە كەزدەسەدى. ءبىراق، ەكى جىنىس وكىلدەرىنىڭ ميلارى كوبىنە ءوزارا ۇقساس بولىپ كەلەدى ەكەن. زەرتتەۋ قورىتىندىسىنا سايكەس، ەر ادامنىڭ مي قۇرىلىسىندا ايەلدەرگە ءتان بولىكتەر بار. سايكەسىنشە، ايەلدىڭ دە مي قۇرىلىسىندا ەرلەرگە ءتان بولىك بولادى ەكەن. سول سەبەپتى ادامنىڭ ميىن «ەردىكى» نەمەسە «ايەلدىكى» دەپ بولۋگە ەش نەگىز جوق.
www.24.kz
