قازاقستاندىقتىڭ بەلارۋس ەلىندەگى ارىپتەستەرى مايدانگەر اتاسىنىڭ جەرلەنگەن جەرىن تابۋعا كومەكتەستى

بەلارۋس قارجىلىق تەرگەۋ دەپارتامەنتىنە و ق و مەملەكەتتىك كىرىستەر دەپارتامەنتى باسشىسىنىڭ ءتوراعاسى سايات ساۋقومبەكوۆ ءوتىنىش بىلدىرگەن. ول ءوزىنىڭ 1944-جىلى 21- قاڭتاردا باقيلىق بولعان اتاسىنىڭ سۇيەگىن تاۋىپ بەرۋدى وتىنگەن. بەلارۋس وكىلدەرى ءۇنسىز قالمادى. مايدانگەر مۇقجان ساۋقىمبايەۆ زاكلەتنوە پاريچسكوە ەلدى مەكەنىنەن شىعىسقا قاراي ەكى شاقىرىمدا جەرلەنگەنى بەلگىلى بولعان.

1943-جىلدان 1944-جىلدىڭ ورتاسىنا دەيىن بۇل جەردە كەسكىلەسكەن ۇرىس بولعان. شاعىن عانا اۋداندا 17581 ساربازدىڭ دەنەسى كومىلگەن زيرات بار. ولاردىڭ ىشىندە ءالى كۇنگە ەسىمى بەلگىسىز جاندار بار.

قارجى پوليتسياسىنىڭ ماماندارى مەن سۆەتلوگورسك اۋدانى تاريحي-ولكەتانۋ مۇراجايىنىڭ قىزمەتكەرلەرى م. ساۋقىمبايەۆتىڭ سۇيەگى 1958-جىلى چيركوۆيچيدەگى زيراتقا قايتا جەرلەنگەنىن انىقتاعان. اۋداندىق اتقارۋ كوميتەتى مۇنى راستادى.

ەندى جاۋىنگەردىڭ اتى-ءجونى، تاعى دا 31 باتىردىڭ اتى-ءجونى سۆەتلوگورسك اۋدانىنىڭ چيركوۆيچي ەلدى مەكەنىندەگى زيراتتا تاسقا باسىلىپ جازىلدى.

اتاسىنىڭ رۋحىنا قۇران باعىشتاۋ ءۇشىن نەمەرەسى سايات ساۋقىمبايەۆ تا باردى.

اۆتور: گۇلميرا عوسمانالي