ازەربايجان تۇرىك تاۋارلارىنىڭ ورتالىق ازياعا تاسىمالدانۋىن قامتاماسىز ەتۋگە دايىن
بۇل تۋرالى كەشە ازەربايجان بويىنشا TRACECA (ەۋروپا-كاۆكاز-ازيا) كولىك سالاسىنداعى ىنتىماقتاستىق باعدارلاماسىنىڭ ۇلتتىق حاتشىسى اكيف مۋستافايەۆ ايتتى.
وتكەن اپتادا رەسەي تۇركيادان كەلگەن جۇك كولىكتەرىن ەل اۋماعىنا كىرگىزۋگە تىيىم سالدى. ا. مۋستافايەۆتىڭ سوزىنە قاراعاندا، وسىعان بايلانىستى تۇرىك تاراپى بۇل جۇك كولىكتەرىن ازەربايجان ارقىلى وتكىزۋدى ۇسىندى.
بۇل ۇسىنىس قولداۋعا يە بولدى.
«شەكارا ماڭىنداعى بەكەتتەردە تۇرىك تاۋارلارى تيەلگەن جۇك كولىكتەرىنىڭ ازەربايجان اۋماعىنا كەدەرگىسىز كىرۋىنە جاعدايلار جاسالادى»، - دەدى ا. مۋستافايەۆ.
«يران مەن تۇركيا اراسىنداعى قارىم-قاتىناستى جاقسى دەپ ايتۋعا بولمايدى، بۇل جاعدايدىڭ قىسقا جولى - تۇركيا-گرۋزيا-ازەربايجان-كاسپي تەڭىزى- ورتالىق ازيا ءدالىزى. جاقىن ارادا شەكارا ارقىلى جۇك تاسىمالداۋ تالاپتارى مەن تاريفتەرىن جەڭىلدەتۋ شەشىمى قابىلدانادى دەپ ويلايمىن. بولاشاقتا رەسەي مەن تۇركيا قارىم-قاتىناسى قالپىنا كەلتىرىلسە دە، جۇكتىڭ ءبىزدىڭ ەل ارقىلى ءوتۋى ءبىز ءۇشىن پايدالى»، - دەدى ا. مۋستافايەۆ.
ونىڭ سوزىنە قاراعاندا، ازەربايجان ءوز اۋماعى ارقىلى كوپ كولەمدە جۇك تاسىمالدانۋىنا دايىن.
