قىتايدا وزدىگىنەن توڭكەرىلىپ كەتكەن كولىكتەردىڭ جۇمباعى شەشىلدى - كەسكىن
ول كوشە تازالايتىن كولىكتىڭ شەتكاسىنا بايلانىپ قالىپ، جول بويىنا ءتۇسىپ كەتكەن. ال جۇرگىزۋشىلەر جولدا كولدەنەڭىنەن جاتقان سىمدى كورمەي، باسىپ ءوتىپ، اۋەگە ۇشقان. بۇل تۋرالى Tengrinews TV حابارلادى.
ەسكە سالايىق، وتكەن دەمالىس كۇندەرىندە جەلىدە قىتايداعى اۆتوكولىكتەردىڭ وزدىگىنەن توڭكەرىلىپ كەتكەنى بەينەلەنگەن ۆيدەو پايدا بولعان ەدى. وقيعا قىتايداعى قالالاردىڭ بىرىندە بولعان. ءتۇرلى سايتتارداعى مالىمەتتەرگە قاراعاندا، بەينەباقىلاۋ كامەراسى ءتۇسىرىپ العان روليككە قاتىستى ءتۇرلى پىكىرلەپ ايتىلىپ جاتىر. كەيبىرەۋلەر مۇنىڭ بەلگىسىز قۇبىلىس ەكەنىن ايتسا، تاعى بىرەۋلەرى عىلىمي تۇرعىدا تۇسىندىرمەك بولعان. سولاردىڭ ايتۋىنشا، جولدا كابەل سىمى قالىپ كەتكەن. ال وزگەلەرى جول استىندا ماگنيتتىڭ بارىن ايتقان.
