دارىگەردى سوققىعا جىققان الماتىلىق ەرتەڭ سوت الدىنا بارادى

بۇل تۋرالى قالالىق ءى ءى د باسپا ءسوز قىزمەتىنىڭ جەتەكشىسى سالتانات ازىربەك ايتتى.

ناۋرىزباي اۋداندىق ءى ءى ب تەرگەۋشىسى كۇدىكتىنى قاماۋعا الۋ تۋرالى ءوتىنىش جازدى.

ەرتەڭ 38 جاستاعى ەر ادام بۇلتارتپاۋ شاراسىن تاعايىنداۋ ءۇشىن سوت الدىنا جەتكىزىلەدى.

«العاشقى پروتسەسسۋالدى ارەكەتتەر جاسالعان كەزدە ونىڭ ارەكەتى بۇزاقىلىق دەپ تىركەلگەن بولسا، ەندى ق ر ق ك 106-بابىنىڭ 2-تارماعى بويىنشا ادام دەنساۋلىعىنا قاساقانا نۇقسان كەلتىرۋ دەپ وزگەرتىلدى. ەندى ەرتەڭ ول بۇلتارتپاۋ شاراسىن تاعايىنداۋ ءۇشىن سوتقا جەتكىزىلەدى. مۇنى تەرگەۋشىلەر سۇراپ وتىر»، - دەدى س. ازىربەك.

بەلگىلى بولعانداي، بۇل ادام وعان دەيىن دە بۇزاقىلىق جاساعانى ءۇشىن قىلمىستىق جاۋاپكەرشىلىككە تارتىلعان. ءقازىر ول ءوزىنىڭ ءىس-ارەكەتىن مويىنداپ وتىر.

«وسىعان ۇقساس دەرەكتەر بويىنشا كىنالى تۇلعالار قىلمىستىق جاۋاپكەرشىلىككە تارتىلدى. ءوز قىزمەتىن ورىنداپ جاتقان دارىگەرلەرگە قول كوتەرگەنى ءۇشىن اركىم ءتيىستى جازاسىن الادى»، - دەدى س. ازىربەك.

ايتا كەتەيىك، وقىس وقيعا 26 -قاراشا كۇنى «تاۋگۇل» شاعىن اۋدانىندا بولعان. كومەككە بارعان جەدەل جاردەم قىزمەتىنىڭ دارىگەرى سوققىعا جىعىلعان. سالدارىنان، قازىر 25 جاستاعى جىگىت كوماتوزدى جاعدايدا جانساقتاۋ بولىمىندە جاتىر.

ايتا كەتۋ كەرەك، الماتى اكىمى باۋىرجان بايبەك قالا دارىگەرلەرىنىڭ جانايقايىنا قۇلاق اسىپ، ولاردىڭ باسىندا بولعان جايتتى ءوزىنىڭ جەكە باقىلاۋىنا الدى.

دارىگەردىڭ ءومىرى مەن دەنساۋلىعىنا ءقاۋىپ توندىرۋگە بولمايدى. قالا باسشىسى قالالىق پوليتسياعا اتالعان دەرەكتى جان- جاقتى تەكسەرىپ، دارىگەرلەردىڭ قاۋىپسىزدىگىن قامتاماسىز ەتۋدى تاپسىردى.

سونداي- اق، ق ر دەنساۋلىق ساقتاۋ جانە الەۋمەتتىك دامۋ ءمينيسترى تامارا دۇيسەنوۆا مەن ۆيتسە-مينيستر ەلجان ءبىرتانوۆ تا بۇل وقيعاعا تۇسىنىكتەمە بەردى. ولاردىڭ ايتۋىنشا، مۇنداي باسبۇزارلىققا جول بەرۋگە بولمايدى.

جىل باسىنان بەرى الماتى دارىگەرلەرىنە 18 رەت شابۋىل جاسالعان.

اۆتور: گۇلميرا عوسمانالي