قازاقستانداعى زەينەتاقى جيناقتارىنىڭ كولەمى ەڭ جوعارى دەڭگەيگە جەتتى
2013 -جىلى جيناق ءوسىمى 20 دان 18 پايىزعا ءتۇستى، الايدا 2014 -جىلى بۇل كورسەتكىش قايتا 2 پايىزعا ءوستى. بيىلعى جىلى ول 25 پايىزعا دەيىن ءوستى. وسى ايادا ق ر- داعى زەينەتاقى جيناقتارى تاريحي دەڭگەيگە جەتىپ، 5,4 تريلليون تەڭگەنى قۇرادى.
زەينەتاقى جيناعىنىڭ وسۋىنە قولداۋ كورسەتەتىن فاكتور ينۆەستيتسيالىق تابىس بويىنشا تۇسىمدەردىڭ ۇلعايۋى بولىپ تابىلادى. 2010-2013 -جىلداردا قۇلدىراعاننان كەيىن زەينەتاقى اكتيۆتەرىن ينۆەستيتسيالاۋدان تۇسكەن تابىس جىلدىق ەسەپتە 55 پايىز كورسەتكىشكە جەتىپ، سەنىمدى ءوسىم كورسەتتى. بۇل رەتتە وڭ ديناميكا سىرتقى ورتا فاكتورلارىنىڭ ناشارلاعانىنان (دەۆالۆاتسيالىق جانە ينفلياتسيالىق قىسىمنىڭ ءوسىمى) قاراماستان ساقتالدى.
جيناقتاۋشى زەينەتاقى قورلارىنان ب ج ز ق- عا زەينەتاقىلىق اكتيۆتەر مەن مىندەتتەمەلەردى كوشىرۋ 2013 -جىلى قازاندا باستالىپ، 2014 -جىلى ناۋرىزدا ءساتتى اياقتاعانى بەلگىلى. زەينەتاقى زاڭناماسىنا سايكەس «ب ج ز ق» ا ق مىندەتتى، مىندەتتى كاسىبي، ەرىكتى زەينەتاقى جارنالارىن تارتادى.
