19:13, 26 - قاراشا 2015 | GMT +5
تۇركيا اتىپ تۇسىرگەن رەسەيلىك ۇشاقتىڭ قازا تاپقان كومانديرى وسكەمەن تۋماسى بولىپ شىقتى
وسكەمەن. قازاقپارات - تۇركيا مەن سيريا شەكاراسىندا اتىپ تۇسىرىلگەن رەسەيلىك سۋ-24 ۇشاعىنىڭ قازا تاپقان كومانديرى ولەگ پەشكوۆ وسكەمەن قالاسىنىڭ تۋماسى بولىپ شىقتى.
ول وسكەمەندە دۇنيەگە كەلىپ، جەرگىلىكتى مەكتەپتە وقىعان. ولەگتىڭ اناسى ەرتە قايتىس بولدى، اعاسى ەكەۋىن وگەي اكەسى تاربيەلەگەن. 1985 -جىلى مەكتەپتى ءتامامداعان سوڭ ولەگ ۋرالداعى سۋۆوروۆ ۋچيليشەسىنە، سودان كەيىن حاركوۆتاعى جوعارى اسكەري اۆياتسيالىق ۇشقىشتار ۋچيليشەسىنە وقۋعا تۇسكەن.
ك س ر و- نىڭ بارلىق ۇشقىشتارى سياقتى، ول بۇرىنعى كەڭەس وداعىنىڭ كوپتەگەن ورىندارىندا قىزمەت ەتكەن. 2000- جىلداردىڭ باسىندا ولەگ اناتولەۆيچ پەشكوۆتىڭ وتباسى قازاقستاننان رەسەيگە قونىس اۋدارعان. بۇل تۋرالى قازاقپارات تىلشىسىنە بۇگىن ونىڭ مەكتەپتەگى دوستارى، مۇعالىمدەرى، ارىپتەستەرى ايتتى.
