قازاقستاندا ماس جۇرگىزۋشىلەردىڭ كولىكتەرىن تاركىلەۋ ۇسىنىلدى

استانا. قازاقپارات - كولىكتى ماس كۇيىندە باسقارعان جۇرگىزۋشىلەردىڭ كولىكتەرىن تاركىلەۋ ۇسىنىلدى.

بۇل جايىندا بۇگىن ق ر باس پروكۋراتۋسىنداعى القا ماجىلىسىندە ايتىلدى.

ق ر باس پروكۋراتۋراسى ءتورتىنشى دەپارتامەنتىنىڭ باسشىسى اسەت شىنداليەۆتىڭ سوزىنە قاراعاندا، كولىكتى ماس كۇيىندە باسقارعانى ءۇشىن جانە كۋالاندىرۋدان وتۋدەن باس تارتقانى ءۇشىن سانكسيالاردى تەڭەستىرۋ كەرەك.

«بەلارۋستىڭ تاجىريبەسىن زەرتتەۋ ۇسىنىلادى، ياعني وسى ەلدە قىلمىستىق زاڭنامادا كولىكتى ماس كۇيىندە باسقارعانى ءۇشىن اۆتوكولىكتى تاركىلەۋ قاراستىرىلعان. الەمدىك تاجىريبەنى ەسكەرە وتىرىپ، ايىپپۇلدار كولەمىن قايتا قاراستىرۋ كەرەك نەمەسە ءوندىرىپ الۋدىڭ بالامالى تۇرلەرىنە الماستىرۋ قاجەت، ياعني ەسكەرتۋ جاساۋ، جۇرگىزۋشىلىك كۋالىگىنەن ايىرۋ، قاماۋعا الۋ شارالارى»، - دەدى ول.

اۆتور: رۋسلان عابباسوۆ