17:29, 26 - قاراشا 2015 | GMT +5
بايقوڭىردا جۇمىستان بوساتىلعان قازاقستاندىقتاردىڭ ماسەلەسىن شەشۋ جولدارى قاراستىرىلىپ جاتىر
قىزىلوردا. قازاقپارات - جىل باسىنان بەرى بايقوڭىر قالاسىندا 641 ادام جۇمىستان بوساتىلعان. ونىڭ 409 ى قازاقستاندىق ازامات.
وسى 409 ادامنىڭ 75 قايتا جۇمىسقا ورنالاستىرىلعان. بۇل تۋرالى وبلىستىق اكىمدىكتىڭ باسپا ءسوز قىزمەتى حابارلادى.
كەلەر جىلى تاعى 1500 ادام جۇمىستان شىعارىلماق.
الايدا ولاردىڭ بارلىعى قازاقستاندىق ازامات ەمەس. بۇگىندە جۇمىستان بوساعان ازاماتتاردى قايتا ورنالاستىرۋ ماسەلەسى قارالىپ جاتىر. بۇل ءتۇيىن قازاقستانعا قايتارىلعان نىساندارعا ولاردى جۇمىسقا تۇرعىزۋ ارقىلى شەشىلۋى مۇمكىن.
اۆتور: ەلۋباي اۋەزوۆ
