14:49, 26 - قاراشا 2015 | GMT +5
ءماجىلىس سپيكەرى سانكت-پەتەربوردا ءبىرقاتار ەكىجاقتى كەزدەسۋ وتكىزدى
سانكت-پەتەربور. قازاقپارات - سانكت-پەتەربور قالاسىندا وتكەن ت م د پارلامەنتارالىق اسسامبلەيا جانە ۇ ق ش ۇ پارلامەنتتىك اسسامبلەياسىنىڭ شارالارى اياسىندا ءماجىلىس ءتوراعاسى قابيبوللا جاقىپوۆ رەسەيلىك جانە پاكىستاندىق ارىپتەستەرىمەن كەزدەستى.
رەسەي فەدەرالدى جيىنىنىڭ مەملەكەتتىك دۋما ءتوراعاسى سەرگەي نارىشكينمەن وتكەن كەزدەسۋلەردەگى تاقىرىپتاردىڭ ءبىرى ايماقتىق تۇراقتىلىقتى نىعايتۋ ماسەلەلەرى بولدى.
س. نارىشكين ءماجىلىس سپيكەرىنىڭ «ا321» رەسەيلىك ۇشاعىنىڭ جولاۋشىلارى مەن ەكيپاج مۇشەلەرىنىڭ قازا تابۋىنا بايلانىستى كوڭىل ايتقانىنا العىس ءبىلدىردى.
ق. جاقىپوۆ بىرلەسىپ ورتاق مىندەتتەردى، سونىڭ ىشىندە حالىقارالىق لاڭكەستىككە قارسى شارالاردى اتقارۋدا پارلامەنتاريلەر اراسىنداعى ءوزارا قاتىناستى نىعايتۋدىڭ ماڭىزىن اتاپ ءوتتى.
ەسكە سالا كەتەيىك، 26-27- قاراشادا سانكت-پەتەربوردا ۇ ق ش ۇ پارلامەنتتىك اسسامبلەياسىنىڭ سەگىزىنشى پلەنارلىق وتىرىسى مەن ت م د پارلامەنتارالىق اسسامبلەياسىنىڭ قىرىق ءۇشىنشى پلەنارلىق وتىرىسى ءوتىپ جاتىر.
