لاۆروۆ: رەسەي تۇركياعا سوعىس اشپايدى
ازىرگە رەسەي مەن تۇركيا اراسىندا جوعارى دەڭگەيدە تالقىلاۋلار بولعان جوق، الايدا جاقىن ارادا رەسەي پرەزيدەنتى ۆلاديمير پۋتينگە تۇركيامەن الداعى قارىم-قاتىناستارى جايىندا ۇسىنىستار كەلىپ تۇسەدى.
بۇل تۋرالى ria.ru حابارلايدى.
رەسەيلىك بومبالاۋشى سۋ-24 ءتى تۇركيالىق F-16 جويعىش ۇشاعى قۇلاتىپ تۇسىرگەننەن كەيىن كرەمل تۇركيامەن جوعارى دەڭگەيدە تالقىلاۋلار جۇرگىزىلمەگەنىن مالىمدەدى. رەسەي س ءى م باسشىسى سەرگەي لاۆروۆ سارسەنبى كۇنى تەلەفون ارقىلى تۇركيالىق ارىپتەسى ميەۆليۋت چاۆۋشوگلۋمەن سويلەسىپ، بىرنەشە رەت كەزدەسۋگە شاقىرتۋىن كەرى قايتاردى دەپ حابارلايدى ر ي ا نوۆوستي.
ماسكەۋ انكارادان اسكەري ۇشاق قۇلاتىلعانى ءۇشىن رەسمي كەشىرىم كۇتىپ وتىرعانىن اشىق بايقاتتى. دەگەنمەن رەسەيلىك ەلشىنى تۇركيادان كەرى قايتارۋ تۋرالى دا اڭگىمە كوتەرىلمەدى. ال جاقىن ارادا رەسەي س ءى م- ءى تۇركياعا الداعى قارىم-قاتىناستارىنا قاتىستى ۇسىنىستار جولدايتىن بولادى.
سەيسەنبى كۇنى رەسەيلىك ۇشاقتى تۇركيالىقتاردىڭ قۇلاتۋىن رەسەي پرەزيدەنتى ۆلاديمير پۋتين «تۋ سىرتىنان پىشاق سۇعۋ» دەپ قابىلدادى.
ماسكەۋ كەشىرىم سۇراۋدى كۇتۋدە
«ول (ەكى ەل اراسىنداعى ديالوگ) قازىر ەشقانداي كورىنىس تاپپاۋدا، ول مۇلدەم جوق. جوعارى دەڭگەيدەگى تالقىلاۋلار بولعان ەمەس»، - دەيدى رەسەي پرەزيدەنتىنىڭ باسپا ءسوز حاتشىسى دميرتي پەسكوۆ.
ال رەسەيدىڭ ف ك سپيكەرى ۆالەنتينا ماتۆيەنكو بولسا، رەسەيلىك تاراپ تۇركيانىڭ كەشىرىم سۇراعانىن كۇتۋدە ەكەنىن العا تارتتى.
«ءبىز تۇركيانىڭ كەشىرىم سۇراۋىن كۇتىپ وتىرمىز. ولار ءوز ىستەرىنىڭ زاڭسىز ەكەنىن مويىنداپ، رەسەيگە كەلتىرگەن نۇقساندى وتەۋلەرى ءتيىس جانە قازا بولعان وفيتسەرلەردىڭ جاقىندارىنا دا نۇقساندى وتەۋى قاجەت»، - دەپ مالىمدەدى ول.
ماتۆيەنكو بولعان جايت ەكى ەلدىڭ قارىم-قاتىناسىنا قاتتى اسەر ەتەتىنىن ايتتى.
«قىلمىس جازاسىز قالمايدى، بۇل تۇركيامەن ارا-قاتىناسىمىزعا اسەر ەتەتىنى ءسوزسىز»، - دەيدى ماتۆيەنكو.
ال رەسەيلىك س ءى م باسشىسى سەرگەي لاۆروۆ بولسا، تۇركياعا بارۋ جوسپارلارىندا جوقتىعىن جاسىرمادى.
«ءبىز تۇركياعا بارۋدى نەمەسە ولاردى ءوز ەلىمىزدە قابىلداۋدى ەش جوسپارلاپ وتىرعان جوقپىز»، - دەدى ول.
kaz.caravan.kz
