قىتايدا كۇڭزىنىڭ پورترەتى تابىلدى

استانا. قازاقپارات - تاياۋدا قىتايدىڭ جىجياڭ پروۆينتسياسىندا ارحەولوگتار ەجەلگى قىتاي فيلوسوفى كونفۋتسيدىڭ پورترەتىن تاپتى. بۇل تۋرالى ت ا س س اقپارات اگەنتتىگىنە سىلتەمە جاساعان egemen.kz حابارلادى.

سەگىز مولادان تۇراتىن قورىم باتىس حان اۋلەتىنە (ب. ز. د. 206 - جىل) تيەسىلى. قىتاي ارحەولوگتارى بىرنەشە جىل بويى وسى ماڭدا قازبا جۇمىستارىن جۇرگىزىپ كەلەدى. مولالاردىڭ بىرىنەن حان ديناستياسىنىڭ باسشىسى ليۋ حەنىڭ ءمايىتى تابىلدى.

سونىمەن قاتار، قازبا جۇمىستارى كەزىندە جەر قويناۋىنان سالىنعان سۋرەتتەر مەن ەروگليفيكالىق جازۋلارى بار قورشاۋلار تابىلدى. وندا كونفۋتسي مەن شاكىرتى يان حۋەيدىڭ ەسىمدەرى جازىلعان.

«سۋرەتتەگىلەردىڭ ءبىرى كونفۋتسي ەكەنىنە جازبالار دالەل. سونداي- اق، ول جەردە ايگىلى فيلوسوفتىڭ قىسقاشا ءومىربايانى دا جازىلعان»، - دەيدى ارحەولوگيالىق ەكسپەديتسيا جەتەكشىسىنىڭ ورىنباسارى چجان چجۋنلي.

سۋرەت: metronews.ru.