رەسەيدەگى قازاقستان ەلشىسى ەكاتەرينبورداعى ەلتسين ورتالىعىنىڭ اشىلۋىنا قاتىستى

ماسكەۋ. قازاقپارات - رەسەي فەدەراتسياسىنداعى قازاقستان رەسپۋبليكاسىنىڭ توتەنشە جانە وكىلەتتى ەلشىسى مارات ءتاجين ەلباسى نۇرسۇلتان نازاربايەۆتىڭ تاپسىرماسى بويىنشا ەكاتەرينبورداعى بوريس ەلتسيننىڭ پرەزيدەنتتىك ورتالىعىنىڭ (ەلتسين ورتالىعى) اشىلۋ سالتاناتىنا قاتىستى.

سالتاناتتى شاراعا ر ف پرەزيدەنتى ۆ. پۋتين، ر ف پرەمەر- ءمينيسترى د. مەدۆەديەۆ، رف ۇكىمەتىنىڭ مۇشەلەرى، الەمدىك ساياساتكەرلەر، رەسەيلىك مەملەكەتتىك جانە قوعام قايراتكەرلەرى، جۋرناليستەر قاتىستى.

 ورتالىقتىڭ نەگىزگى مىندەتى - رەسەيدىڭ ءبىرىنشى پرەزيدەنتى مەن سول كەزەڭنىڭ تاريحي مۇراسىن ساقتاپ قالۋ. ورتالىقتىڭ باستى بولىگى - مۇراجاي. ونداعى زاماناۋي مۋلتيمەديالىق تەحنولوگيالار قۇجاتتارعا، مۇراعات فوتولارىنا، ارتەفاكتتارعا «جان بىتىرەتىن» ىسپەتتى. كەشەندە كىتاپحانا، مۇراعات، ءبىلىم بەرۋ (وقىتۋ) جانە بالالار ورتالىقتارى، كورمە زالدارى بار.

 ب. ەلتسيننىڭ پرەزيدەنتتىك ورتالىعى 2008 - جىل 13- مامىرداعى «ءوز وكىلەتتىلىگىن اتقارۋدى توقتاتقان ر ف پرەزيدەنتتەرىنىڭ تاريحي مۇرالارىنىڭ ورتالىقتارى تۋرالى» ر ف №68-ف ز سايكەس قۇرىلدى.