استانادا «التىن تۇعىر» ۇلتتىق سپورت ۇزدىكتەرىن ماراپاتتاۋ ءراسىمى ءوتتى - فوتو
ق ر ۇلتتىق سپورت تۇرلەرى قاۋىمداستىعىنىڭ ۇيىمداستىرۋىمەن وتكىزىلىپ وتىرعان شارادا پارتيا ءتوراعاسىنىڭ ءبىرىنشى ورىنباسارى ا. مىرزاحمەتوۆ جەڭىمپازداردى قۇتتىقتادى، دەپ حابارلايدى nurotan.kz.
بيىل پارتيانىڭ تىكەلەي قولداۋىمەن ق ر كونستيتۋتسياسىنىڭ جانە قازاقستان حالقى اسسامبلەياسىنىڭ 20 جىلدىعىنا وراي استانا قالاسىندا تەڭگە ىلۋدەن I اشىق ازيا چەمپيوناتى جانە اساۋ ۇيرەتۋدەن رەسپۋبليكالىق تۋرنيرى، استانا قالاسىندا قازاق حاندىعىنىڭ 550 جىلدىعىنا وراي الامان بايگە «التىن تۇلپار» II رەسپۋبليكالىق تۋرنيرى جانە «قازاقستان بارىسى» رەسپۋبليكالىق تۋرنيرى، ال تاراز قالاسىندا «ۇلى دالا» ويىندارى مەن «ەۋرازيا بارىسى» حالىقارالىق تۋرنيرى ۇيىمداستىرىلدى.
وسى بايراقتى باسەكەلەردىڭ ۇزدىكتەرىن انىقتاپ، جىلدىڭ قورىتىندىسىن شىعارۋ ماقساتىندا ق ر ۇلتتىق سپورت تۇرلەرى قاۋىمداستىعى داستۇرگە ساي بيىلعى جىلى دا ۇزدىك بولعان سپورتشىلارعا «التىن تۇعىر» سىيلىعىن تابىستاۋ سالتاناتتى ءىس- شاراسىن ۇيىمداستىرىپ وتىر.
«2015 - جىل ۇلتتىق سپورتىمىز ءۇشىن تابىستى جىل بولدى. ۇلتتىق سپورتتىڭ بارلىق تۇرىنەن جارىستار ۇيىمداستىرىلىپ، جۇزدەن جۇيرىك، مىڭنان تۇلپارلار انىقتالدى. ۇلتتىق سپورتتاعى جەتىستىكتەرىمىز ۇلتتىق قۇندىلىقتاردى قولداپ، داستۇرىمىزگە ءمان بەرىپ جۇرگەن ەلباسىنىڭ جانە بارشا ازاماتتاردىڭ قولداۋىنىڭ ارقاسى دەپ بىلەمىن»، - دەدى ا. مىرزاحمەتوۆ.
«التىن تۇعىر» سىيلىعى بيىل ۇلتتىق سپورت تۇرلەرىنەن ۇزدىك كورسەتكىشكە قول جەتكىزگەن 11 سپورتشىعا تابىستالدى.
قاۋىمداستىق تاراپىنان تاعايىندالعان «ەلىمجان» توسبەلگىسىنە جامبىل وبلىسىنىڭ اكىمى كارىم كوكىرەكبايەۆ لايىق دەپ تابىلدى، دەپ حابارلايدى ۇلتتىق سپورت تۇرلەرى قاۋىمداستىعىنان.
ماراپاتتاۋ ءراسىمىن ق ر ۇلتتىق سپور تۇرلەرى قاۋىمداستىعىنىڭ قۇرمەتتى پرەزيدەنتى، گەنەرال قايرات ساتىپالدى، «نۇر وتان» پارتياسى ءتوراعاسىنىڭ ءبىرىنشى ورىنباسارى اسقار مىرزاحمەتوۆ، ق ر ۇلتتىق تەلەارناسىنىڭ ءتورايىمى نۇرجان جالاۋ قىزى، سامۇرىق- قازىنا ۇلتتىق ءال- قۋات قورىنىڭ اتقارۋشى ديرەكتورى دارحان قالەتايەۆ جانە ق ر ۇ س ت ق پرەزيدەنتى بەكبولات تىلەۋحان جۇرگىزدى.
«التىن تۇعىر» يەگەرلەرى:
1. كوكپار سپورت ءتۇرى بويىنشا: «جىل ۇزدىگى» «اۋليە اتا» كومانداسى
2. تەڭگە ءىلۋ سپورت ءتۇرى بويىنشا: «ۇزدىك تەڭگە ءىلۋشى» - عالىمجان ءىزجانوۆ.
3. جامبى اتۋ سپورت ءتۇرى بويىنشا «ۇزدىك جامبى اتۋشى» - ايكوز ەرالحان.
4. قۇسبەگىلىك سپورت ءتۇرى بويىنشا «ۇزدىك بۇركىتشى» - جالعاس اكىمبەكوۆ
5. «التىن تۇلپار» جەڭىمپازى «سامالدىڭ» يەسى - ەسبول جاپپاسوۆ
6. «قازاق حاندىعىنا 550 جىل» مەرەيتويىنا ارنالعان ات بايگەسىنىڭ جەڭىمپازى «تاسقىن» تۇلپارىنىڭ يەسى - بولات ءابىش ۇلى.
6. قازاق كۇرەسىنەن «ۇزدىك پالۋان» - بەيبىت ىستىبايەۆ.
7. «ۇزدىك جىل ۇيىمداستىرۋشىسى» - روم اۋەزحان.
8. ۇلتتىق سپورتقا ەڭبەك سىڭىرگەن ارداگەر - امىرعاليەۆ ورىنتاي.
9. اۋدارىسپاقتان «ۇزدىك اۋدارىسپاقشى» - ەرنازار جاپار ۇلى.
10. ۇلتتىق سپورتتى ۇزدىك ناسيحاتتاۋشى ۇجىم - «استانا» تەلەارناسى.
11. ۇلتتىق سپورتتى تۇراقتى ناسيحاتتاۋشى - «Kazsport» تەلەارناسى.
سونداي- اق ۇلتتىق سپورتتىڭ مادەني شارالارىنا تۇراقتى اتسالىسىپ جۇرگەن ونەرپازدار ەسكەندىر يبراگيم ءاشىم ۇلى، دوسىمجان تاڭاتاروۆ، «الامان» توبى، «الاش ۇلدارى» توبى، ارداق بالاجانوۆا العىس حاتپەن ماراپاتتالدى.
