الماتىدا اكادەميك اۋباكىروۆكە ارنالعان كىتاپتىڭ تۇساۋى كەسىلدى - فوتو
وعان ياحيا اۋباكىروۆتىڭ قىزى - قۇرمانعازى اتىنداعى قازاق ۇلتتىق كونسەرۆاتورياسىنىڭ رەكتورى ءجانيا اۋباكىروۆا، ەكونوميست-عالىمدار، جوعارى وقۋ ورىندارىنىڭ پروفەسسورلارى مەن وقىتۋشىلارى جانە جەرگىلىكتى مەملەكەتتىك قۇرىلىمداردىڭ وكىلدەرى قاتىستى.
دوڭگەلەك ۇستەل شەڭبەرىندە «ونەگەلى ءومىر» سەرياسى بويىنشا ياحيا اۋباكىروۆكە ارنالعان كىتاپتىڭ تۇساۋى كەسىلدى.
«ياحيا اۋباكىروۆتىڭ ءومىرى مەن قىزمەتى ءال-فارابي اتىنداعى قازاق ۇلتتىق ۋنيۆەرسيتەتىمەن تىعىز بايلانىستى. ول وسىندا 14 جىل قىزمەت اتقاردى. ياحيا اۋباكىر ۇلى - قازاقستاندا جوعارى ەكونوميكالىق ءبىلىم بەرۋدىڭ نەگىزىن قالاۋشىلاردىڭ ءبىرى. زاماناۋي ەكونوميكالىق كادرلاردى دايىنداۋ ىسىنە ولشەۋسىز ۇلەس قوستى. ول جارقىن ءجۇزدى، اق پەيىلدى ادام بولاتىن. مەن ونىڭ قىزمەتتەس بولعانىما ريزامىن»، - دەدى حيميا عىلىمدارىنىڭ دوكتورى، پروفەسسور زۇلحايىر مانسۇروۆ.
ياحيا اۋباكىروۆ 2008-جىلى 83 جاسىندا قايتىس بولعان. ول كوزى تىرىسىندە 70 تەن استام عىلىم كانديداتتارى مەن دوكتورلارىن دايىنداعان.
ايتا كەتەلىك، شارا بارىسىندا الەمدىك قارجى داعدارىسى كەزىندەگى ەكونوميكالىق تەوريا مەن پراكتيكاسىنا قاتىستى وزەكتى ماسەلەلەر تالقىلاندى.
