09:40, 26 - قاراشا 2015 | GMT +5
قازاقستانداعى ازەربايجان ەلشىسى جانە كونسۋلى كەرى شاقىرتىلدى
استانا. قازاقپارات - ازەربايجان پرەزيدەنتى يلحام اليەۆ سارسەنبى كۇنى ءا ر- نىڭ ءبىرقاتار ەلدەردەگى 5 ەلشىسى مەن ەكى كونسۋلىن كەرى شاقىرتۋ تۋرالى وكىمگە قول قويدى،
دەپ حابارلانعان ازەربايجان پرەزيدەنتىنىڭ رەسمي سايتىندا.
ي. اليەۆ ازەربايجاننىڭ ەلشىلەرىن: ب ا ءا- دەگى ەلشىسى - ەلحان گاحرامانوۆتى، ەستونياداعى ەلشىسى - توفيك زۋلفۋگاروۆتى، قازاقستانداعى ەلشىسى - زاكير گاشيموۆتى، تۇرىكمەنستان جانە اۋعانستانداعى ەلشىسى - ۆاحدات سۋلتان- زادەنى، ارگەنتينا، پاراگۆاي، بوليۆيا جانە ۋرۋگۆايداعى ەلشىسى - مامەد احمەدزادەنى كەرى شاقىرتتى.
سونىمەن قاتار ازەربايجان پرەزيدەنتى اقتاۋ قالاسىنداعى باس كونسۋل راشاد مامەدوۆ پەن ىستامبۇلداعى باس كونسۋل، قاراتەڭىزدىك ەكونوميكالىق ىنتىماقتاستىق ۇيىمىنىڭ تۇراقتى وكىلى گاسان زەينالوۆتى كەرى شاقىرتتى.
تاعى ءبىر وكىممەن ازەربايجاننىڭ ب ۇ ۇ جەنيەۆا بولىمشەسى جانىنداعى جانە باسقا دا حالىقارالىق ۇيىمداردىڭ تۇراقتى وكىلى مۋراد نادجافبەيلي كەرى شاقىرتىلدى.
