قازاقستان ارۋلارى فيناليستەرى «استانا» - «بەنفيكا» ماتچىندا جانكۇيەر بولدى - فوتو

استانا. قازاقپارات - ەلوردالىق «استانا» ف ك- نىڭ پورتۋگاليالىق «بەنفيكا» - مەن چەمپيوندار ليگاسىنىڭ بەسىنشى تۋرىندا كەزدەسۋىن  15089 كورەرمەن تاماشالادى. ولاردىڭ ىشىندە «قازاقستان ارۋى-2015» اقتىق بايقاۋىنا قاتىسۋ ءۇشىن ەل استاناسىنا وڭىرلەردەن كەلگەن ارۋلار دا بولدى.

 «قازاقستان ارۋى-2015» ايماقتىق بايقاۋلارىنىڭ قاتىسۋشىلارى عالامتورداعى اككاۋنتتارىنا ماتچتا تۇسكەن فوتوسۋرەتتەرىن سالۋدا.

«مەن فۋتبول ماتچىن العاش رەت تاماشالادىم. «استانا» مەن «بەنفيكا» ويىنى تەڭ ءتۇستى (2:2)»، - دەپ جازادى ينستاگرامدا تارازدىق بايقاۋ قاتىسۋشىسى كاميللا جيرەنبايەۆا.

«ماعان بۇل ويىن سونداي ۇنادى، ويىن كەزىندە كوپ ەموتسيالار سەزىندىم»، - دەپ جازادى «پاۆلودار ارۋى-2015» ءمادينا بەيسەمبايەۆا.

«ماچتان سوڭ، قىزدار، فۋتبولدى ۇناتىپ كەتتىك»، - دەيدى «اقتاۋ ارۋى» دجەيران دۋرسۋنوۆا.

ەسكە سالايىق، 10 - جەلتوقساندا استانانىڭ بەيبىتشىلىك جانە كەلىسىم سارايىندا قازىلار مەن كورەرمەندەر قازاقستاننىڭ ەڭ سۇلۋ ارۋىن تاڭدايتىن بايقاۋعا قىزۋ دايىندىق ءجۇرىپ جاتىر. «قازاقستان ارۋى-2015» اتانۋعا وڭىرلەردەن كەلگەن 30 بويجەتكەن ۇمىتكەر.