07:52, 26 - قاراشا 2015 | GMT +5
كۇيزەلىسكە ءتۇسۋ اللەرگياعا شالدىقتىرادى - عالىمدار
استانا. قازاقپارات - عالىمداردىڭ زەرتتەۋلەرى كۇيزەلىس پەن تەرى پروبلەمالارىنىڭ اراسىندا تىعىز بايلانىس بار ەكەنىن كورسەتتى.
جاڭا زەرتتەۋدى تەمپل ۋنيۆەرسيتەتىنىڭ ماماندارى وتكىزدى. ولار 5000 ستۋدەنتتى سۇراۋعا قاتىسۋعا شاقىردى. ەرىكتىلەر كۇيزەلىس پەن تەرىنىڭ جاعدايى تۋرالى سۇراقتارعا جاۋاپ بەرگەن.
ناتيجەسىندە عالىمدار 422 ستۋدەنتتىڭ مالىمەتتەرىن تالداپ شىقتى. قاتىسۋشىلاردى ءۇش توپقا (كۇيزەلىستىڭ تومەن، ءبىرقالىپتى جانە جوعارى دەڭگەيلەرى) ءبولدى. زەرتتەۋشىلەر كۇيزەلىستىڭ جوعارى دەڭگەيى بولعان ەرىكتىلەر تەرى قىشىماسىنا، الوپەتسيا (شاشتىڭ ءتۇسۋى)، باس تەرىسىندەگى داقتار، گيپەرگيدروز (قاتتى تەرلەۋ)، قايىزعاق، قولداعى قىشىما بورتپەگە، سونداي-اق تىرناقتى كەمىرگەنىنە جانە تريحوتيللومانياعا (ءوز شاشىن جۇلۋ) شالدىققانىنا شاعىمدانعان، دەپ جازادى شەتەلدىك ب ا ق.
