قازاقستانداعى ەڭ مەيىرىمدى قالا انىقتالدى
«تەلەكومپانيا «ە ر ا» ج ش س ماركەتينگ دەپارتامەنتى PR ءبولىمىنىڭ باسشىسى اسەل ورازبايەۆانىڭ ايتۋىنشا، «جاقسىلىق جاسا» جوباسى ۇلتتىق ەرىكتىلەر جەلىسىمەن باستالعان.
« 2015-جىلى قىركۇيەك ايىندا باستاۋ العان جوبانىڭ ماقساتى - ەلىمىزدەگى ساۋاپتى ىستەر اتقارىپ جۇرگەن ناعىز جومارت ازاماتتاردى تانىتۋ. ەكى ايدىڭ ىشىندە مەيىرىمدى ىستەر جايلى 309 ءوتىنىش تۇسكەن. بۇل وتىنىشتەردىڭ ىشىنەن «جەتىنشى ارنانىڭ» جانىنان قۇرىلعان ارنايى كوميسسيا ۇزدىك جۇمىستاردى تاڭداپ الدى. پاۆلودار، تەمىرتاۋ جانە قوستاناي قالالارى تەڭ دارەجەدە «ەڭ مەيىرىمدى قالا» اتالىمىنا ۇسىنىلدى. ءۇش قالادا 40 تان استام يگى ءىس جاسالعان. جەڭىمپازدى قازاقستاندىقتار www.delaidobro.kz سايتىندا رەسپۋبليكالىق داۋىس بەرۋ ارقىلى تاڭداۋى قاجەت بولدى. ءبىر اپتانىڭ ىشىندە 13-20 - قاراشا ارالىعىندا 5900 ادام داۋىس بەردى»، - دەيدى اسەل ورازبايەۆا.
