قازاقستاندىقتار تويلارىندا شىرقالعان قايرات نۇرتاستىڭ ءانى ءۇشىن اقشا تولەۋگە مىندەتتەلەدى

استانا. قازاقپارات - قازاق تويلارىندا مەيرامحانا يەلەرى قايرات نۇرتاستان باستاپ، اللا پۋگاچيەۆاعا دەيىن ورىنداۋشىلارعا نە سەبەپتى تولەم جاساۋى كەرەك؟

وسى سۇراققا جاۋاپ بەرۋگە تىرىسقان اۆتورلىق قۇقىق قورعاۋشىلارى ولارعا اۆتورلىعى ءۇشىن اقشا تولەمەسە، ايىپپۇلدان بولەك قىلمىستىق جاۋاپكەرشىلىك قاراستىرىلعانىن ەسكەرتتى.

بۇل تۋرالى «كاراۆان» گازەتى حابارلايدى.

كەز-كەلگەن ەڭبەك تولەنۋى ءتيىس دەپ سانايتىن «امانات» اۆتورلىق قۇقىقتى قورعاۋ ۇيىمىنىڭ باس ديرەكتورى ليۋبوۆ بالماعامبەتوۆا وزدەرىنىڭ الەم بويىنشا ورىنداۋشىلاردىڭ تۋىندىسىنا تولەم جيناۋىنا قۇقىلى ەكەندەرىن العا تارتتى.

«امانات» تەك وزىمەن تىكەلەي كەلىسىمشارتقا وتىرعان ورىنداۋشىلاردىڭ اندەرىنە عانا ەمەس، الەم بويىنشا ورىنداۋشىلاردىڭ تۋىندىلارىنا دا تولەم جيناۋعا قۇقىلى... بىزدە «اۆتورلىق جانە ساباقتاس قۇقىقتار» تۋرالى زاڭ 1996-جىلدان بەرى كۇشىنە ەنگەن.

سول ۋاقىتتان بەرى زاڭعا 12 رەت وزگەرتۋ ەنگىزىلدى. وعان سايكەس، كەز- كەلگەن اۆتوردىڭ تۋىندىسىن ونىڭ رۇقساتىنسىز پايدالانۋعا بولمايدى. ولاي ىستەۋ ءۇشىن كاسىپكەر قۇزىرلى ۇيىم ارقىلى اۆتور مەن ورىنداۋشىعا سىياقى تولەۋى ءتيىس. ماسەلەن، ەگەر «ميلليون الىح روز» ءانىنىڭ اۆتورى يليا رەزنيك، كومپوزيتورى رايموند پاۋلس پەن ورىنداۋشىسى اللا پۋگاچەۆا ءانى مەيرامحانالاردا پايدالانىلسا، ولار اۆتورلىق سىياقى الۋى ءتيىس. ءتىپتى ءان جازىلعان «گرامزاپيس» ستۋدياسى دا قالاماقىسىن الادى»، - دەيدى ليۋبوۆ بالماعامبەتوۆا.

ماماننىڭ ايتۋىنشا، قازىردە شامامەن پايدالانۋشىلاردىڭ 70 پايىزى ۇيىممەن كەلىسىمشارت جاساسقان. ال ەلىمىز د س ۇ- عا كىرگەننەن كەيىن تۇرعىندار اۆتورلىق قۇقىققا قاتىستى ەرەجەلەردى تىپتەن قاتاڭ ساقتاۋى ءتيىس دەپ سانايدى بالماعامبەتوۆا.

«اماناتقا» سوڭعى دەرەكتەر بويىنشا وتكەن جىلى 1 ميلليون 400 مىڭ تەڭگە تولەنگەن، ال 2012-دە - 3 ميلليون 600 مىڭ جينالعان. ۇيىم قىزمەتكەرلەرى قاراجات بوتەننىڭ قالتاسىنا كەتپەي، اۆتورلارعا بەرىلەتىنىن العا تارتتى.

«ەگەر مەيرامحانا يەسى كەلىسىمشارتقا وتىرماي، رۇقساتسىز ءاندى پايدالانسا، وندا ول اۆتورعا وتەماقى مەن 100 دەن 15 مىڭعا دەيىگى ا ە ك كولەمىندە ايىپپۇل تولەۋگە مىندەتتەلەدى. ال وسى جىلدان باستاپ، قىلمىستىق جاۋاپكەرشىلىك تە قاراستىرىلعان. ايىپتى 5  جىلعا دەيىن باس بوستاندىعىنان ايىرىلۋى مۇمكىن. ءبىز ازىرگە كاسىپكەرلەرگە بىزبەن كەلىسىمشارت جاساسقاندارى ابزال ەكەنىن تۇسىندىرۋگە تىرىسۋدامىز»، - دەيدى «امانات» باسشىسى.

ال قازاق تويلارى ءىس-شارالار ساناتىنا جاتاتىندىقتان، وندا تۋىندىلار جەكە ماقساتتا، تۋىستارى مەن جاقىندارى اراسىندا پايدالانىلادى دەگەن توقتام جاسالعان. بۇل ءوز الدىنا سىياقىنى تەك اۆتورعا تولەۋ جەڭىلدىگىن جاسايدى ەكەن.

جەڭىلدىك توي ۇيىمداستىرۋشىلارىنا قاراستىرىلعان. ال مەيرامحانا يەلەرى بولسا، ءتىپتى ءان ورىندالىپ جاتقان ساتتە تەلەديداردى كوپشىلىك نازارىنا قوسقاندا دا تۋىندىنى رۇقساتسىز پايدالانعانى ءۇشىن سىياقى تولەۋى كەرەك دەيدى ماماندار.