بىتپەيتىن سىن جانە بىردە- ءبىر «راقمەت» جوق - داريعا نازاربايەۆا ساياساتتاعى جۇمىسى جايلى
«ايەلدىڭ كاسىپكەرلىكتەگى تاۋلىگىنە 24 ساعات، اپتاسىنا جەتى كۇن جۇمىس ىستەيتىنىن مەن ايتپاي- اق قويايىن. اقشا سالاسىڭ، كرەديت الاسىڭ، ۇيقى جوق، ۋايىم كوپ، جۇمىس جانە جۇمىس. ايەل وتباسىندا تاۋلىگىنە 24 ساعات بولادى، ياعني جۇمىس ىستەپ تە، بالالارىنا قاراپ تا، كۇيەۋىنە قاراپ تا ۇلگەرەدى، تۋعان تۋىستارىنىڭ دا جاعدايىن رەتتەپ جاتادى، سولاي ما؟»، - دەپ سۇرادى داريعا نازاربايەۆا وتىرعانداردان.
وعان قوشەمەت كورسەتىلدى.
«ايەل ساياساتتا دا 24 ساعات بولادى، سەنىممەن ايتا الامىن، سەبەبى كەڭسەدە 12 ساعات جۇمىس ىستەيدى. قازىر عانا ءبىز گۇلشارا ناۋشا قىزىمەن بىرگە (ءابدىحالىقوۆا - اۆت. ) جۇمىستاعى كۇندەرىمىز جايلى: جينالىستان جينالىس، پروبلەمادان پروبلەما، ماسەلەدەن ماسەلە شىعا بەرەتىن جۇمىسىمىزدى ەسكە الىپ وتىر ەدىك، ۇيگە كەلەمىز، ۇيدە دە جۇمىستى جالعاستىرا بەرەمىز، ۇيقىدان تۇرساق تا جۇمىس جايلى ويمەن ويانامىز، 24 ساعات بويى جۇمىس»، - دەدى پرەمەر- ءمينيستردىڭ ورىنباسارى.
بۇدان كەيىن ول بۇل كاتەگوريالاردىڭ ايىرماشىلىقتارىن اتاپ ءوتتى.
«ءبىرىنشى ەكەۋى - كاسىپكەرلىكتەگى ايەل مەن وتباسىنداعى ايەل - يگى ءىس. بيزنەستە، ماسەلەن، كەلەر ءبىر جاقسىلىعى بار عوي - كرەديتتى تولەپ تاستايسىڭ، تابىس كەلەدى، وتباسىنىڭ ءومىر دەڭگەيى، بالالاردىڭ ءومىر دەڭگەيى كوتەرىلەدى، وسىنى كورە وتىرىپ، بالالارىڭا ءبىلىم الۋ جولىن جاسايسىڭ، جاقسى ءبىلىم بەرەسىڭ. وتباسىنداعى ايەل - كۇيەۋىن باپتايدى، مانساپ جولىندا تابىستارعا جەتكىزەدى، بالالاردى وسىرەدى، ولاردى دا ادام قىلادى، ءتىپتى ونىڭ تۋىستارىن دا، ءوز تۋىستارىن دا جەتكىزەدى، بۇل دا يگى ءىس، ايتەۋىر ءومىرىنىڭ سوڭىندا راقمەت ايتاتىندار تابىلىپ قالار، - دەپ اڭگىمەلەدى نازاربايەۆا، - ال ساياساتتاعى ايەل شە؟ تاۋلىگىنە 24 ساعات جۇمىس ىستەيسىڭ - بىتپەيتىن سىن، ەشتەڭە ۇنامايدى جانە ايتەۋىر ءبىر شىرعالاڭ، سوڭىندا «راقمەت» تە ايتىلمايدى، سوندىقتان وسى سالاعا كەلەتىن كەزدە 100 رەت ويلانىپ الىڭىزدار».
ول بۇل جۇمىستىڭ يگى ەمەس ەكەندىگى اتاي وتىرسا دا، «بۇل جۇمىستىڭ وتە قاجەت ەكەنىن جانە ونى بىرەۋدىڭ ايتەۋىر جاساۋى ءتيىس» ەكەندىگىن ايتتى.
«ساياسات پەن مەملەكەتتىك قىزمەتتەگىلەر - وتى وشپەۋى ءۇشىن پەشكە سالىناتىن وتىن»، - دەپ سالىستىرۋ ايتتى سپيكەر.
مۇنىمەن قاتار، داريعا نازاربايەۆا قازاقستاندا ايەلدەرگە دەگەن قاتىناس تاريحتا دا، داستۇردە دە باسقاشا بولعانىن ايتىپ ءوتتى. «وسى ماسەلەدە ءبىزدى شىعىس وركەنيەتىمەن سالىستىرۋعا بولمايدى. ءبىز شىن مانىندە دە ەۆرازيالىقتارمىز - ءبىز ەۋروپا مەن ازيانىڭ ورتاسىندامىز جانە بۇل بىزگە كەدەرگى ەمەس. ءبىز شىعىس داستۇرىنەن جاقسىلىقتى الامىز، ەۋروپالىق مادەنيەتتەن دە ۇزدىكتەرىن تاڭدايمىز. بۇل وتە كەرەمەت، كۇشىمىز وسىدا شىعار، بالكىم»، - دەدى ول.
نازاربايەۆانىڭ ايتۋىنشا، حالىقارالىق ۇيىمدار قازاقستانعا قايتا- قايتا ەسكەرتۋ جاسايدى. «سىزدەردە ساياساتتا ايەلدەر جەتكىلىكسىز دەگەندى ايتادى، پارلامەنتتە كۆوتا جەتكىلىكسىز. مەنىڭشە، سونداي ۇيىمداردىڭ بارى جاقسى بولعان، سەبەبى سولار ءبىزدىڭ ەر ادامدارىمىزدى وسى ماسەلە جونىندە ويلاندىرىپ، وسى باعىتتا قادام جاساۋىنا يتەرمەلەيدى»، - دەپ قورىتىندىلادى ول ءوز ءسوزىن.
