ا ق ش مەملەكەتتىك حاتشىسى تاياۋ شىعىسقا باردى

استانا. قازاقپارات - «تەرروريزم ۋشىققان شاقتا بەيبىت ءومىر بولمايدى».

يزرايل پرەمەر-ءمينيسترى بينيامين نەتانياحۋ ا ق ش- تىڭ مەملەكەتتىك حاتشىسىمەن كەزدەسۋىندە وسىلاي دەدى.

دجون كەرري تاياۋ شىعىسقا ساپارى اياسىندا يزرايل جانە پالەستينا بيلىگىمەن ايماقتاعى جاعدايدى رەتتەۋ بارىسىن تالقىلايدى دەپ كۇتىلۋدە. ەستەرىڭىزدە بولسا، يوردان وزەنىنىڭ باتىس جاعالاۋى مەن يەرۋساليمدەگى احۋال ءالى كۇنگە دەيىن شەشىمىن تاپپاي كەلەدى.

وندا كۇندەلىكتى اتىس-شابىستان بەيبىت حالىق جاپا شەگۋدە. 1 -قازاننان بەرى 19 يزرايل تۇرعىنى مەن 90 عا جۋىق پالەستينا ازاماتى قازا تاپتى. بۇل رەتتە ا ق ش- تىڭ مەملەكەتتىك حاتشىسى اق ءۇيدىڭ يزرايلدەگى جاعدايعا الاڭدايتىنىن جەتكىزدى.

دجون كەرري، ا ق ش مەملەكەتتىك حاتشىسى:

- بۇل تەررورلىق ءىس- ارەكەتتەر جازالاۋدى قاجەت ەتەدى. مەن ناقاقتان- ناقاق بەيبىت حالىقتىڭ ءومىرىن قيعان نەمەسە بۇتىندەي ءبىر مەملەكەتكە قاۋىپ توندىرگەن كەز كەلگەن لاڭكەستىك ءىس- قيمىلدى ايىپتايمىن.

بينيامين نەتانياحۋ، يزرايل پرەمەر- ءمينيسترى:

- الەمدە تەررورلىق ءىس-ارەكەتتەر كورىنىس تاۋىپ جاتقاندا، ەشقانداي بەيبىت زامان بولمايدى. يزرايل بۇل قاتەرمەن ءار ساعات سايىن كۇرەسۋدە. ءبىز لاڭكەستەرگە قارسىلىق ءبىلدىرىپ قانا قويماي، ولاردى ايداپ سالاتىن كۇشتەرگە دە توتەپ بەرۋدەمىز. ارينە، حالىقارالىق قاۋىمداستىق تا ءبىزدى قولدايتىنىنا سەنەمىن.

www.24.kz