بولگاريادان الەمدەگى ەجەلگى التىن اشەكەي بۇيىم تابىلدى

استانا. قازاقپارات - بولگاريانىڭ پروۆاديا ەلدى مەكەنىندە (ۆارنەنسك وبلىسى) قازبا جۇمىستارىن جۇرگىزگەن ارحەولوگتار ولجاعا كەنەلدى.

ولار الەمدەگى ەجەلگى التىن اشەكەيلەردىڭ ءبىرىن تاۋىپ الدى، دەپ حابارلايدى informing.ru. اشەكەي ساف التىننان قۇيىلعان بولىپ شىقتى جانە ول ب. د. دەيىنگى 4100 -جىلدارى جاسالعان. ونىڭ سالماعى نەبارى 2 گرامم بولعانىمەن، بۇل اسا قۇندى جادىگەر ەكەن. عالىمداردىڭ ايتۋىنشا، سول داۋىردە التىن اسا قىمبات مەتال بولىپ، ونى تەك الەۋمەتتىك مارتەبەسى بيىك جاندار عانا تاققان. سونداي-اق بۇل بۇيىم ونىڭ يەسى جەرلەنگەن كەزدە ارنايى سالت- داستۇرگە سايكەس بىرگە كومىلگەن بولۋى مۇمكىن.

www.24.kz