جالعىزدىق دەرتكە شالدىقتىراتىنى بەلگىلى بولدى

استانا. قازاقپارات - ا ق ش- تىڭ چيكاگو ۋنيۆەرسيتەتىنىڭ عالىمدارى جالعىزدىق سالدارىنان ادام ءتۇرلى دەرتتەرگە شالدىعىپ، ءتىپتى ومىردەن ەرتە ءوتۋى مۇمكىن ەكەندىگىن ءمالىم ەتتى.

ولار ادامدار ۇزاق ۋاقىت جالعىز ءومىر سۇرگەن جاعدايدا مي جۇمىسى بۇزىلىپ، ادامنىڭ يممۋندىق جۇيەسى تولىقتاي زاقىمدانادى دەگەن تۇجىرىمعا كەلدى.

Proceedings of the National Academy of Sciences عىلىمي جۋرنالىندا وسى زەرتتەۋدىڭ ناتيجەسى جايلى ەگجەي- تەگجەيلى مالىمەتتەر كەلتىرىلگەن ماقالا جارىق كوردى.

ماقالادا جالعىزدىق ادام دەنساۋلىعىنا قانشالىقتى زيان ەكەندىگى جان-جاقتى دالەلدەنگەن. قوعامنان بولەكتەنىپ ءومىر سۇرگەن ادامنىڭ ەرتە ءولۋ قاۋپى 14 پايىزعا ارتاتىنى ايتىلعان.

عالىمداردىڭ پايىمىنشا، ادام جالعىز بولعان كەزدە ءوزىن قورعانسىز سەزىنىپ، قوبالجۋمەن بولادى. بۇل ونىڭ گەنىنىڭ بەلسەندىلىگىن ارتتىرىپ، اعزا مۇشەلەرىندە قابىنۋ قاۋپىن ارتتىرادى. وسىدان يممۋنيتەت تومەندەپ، ادام ءتۇرلى دەرتتەرگە شالدىعادى.