س. ستويلوۆ: فۋتبولشىلار ءوز الاڭىمىزدا كەز كەلگەن ەۋروپالىق كوماندانى ۇتۋعا تىرىسۋىمىز كەرەك
ۋەفا چەمپيوندار ليگاسىنىڭ توپتىق كەزەڭىندەگى پورتۋگاليالىق جانە ەلوردالىق «استانا» كومانداسىنىڭ اراسىنداعى ويىن ەرتەڭ جەرگىلىكتى ۋاقىت بويىنشا ساعات 21:00 باستالادى، دەپ حابارلادى قالالىق اكىمدىكتىڭ باسپا ءسوز قىزمەتىنەن.
بۇگىن باسپا ءسوز ماسليحاتى بارىسىندا ەلوردالىق فۋتبول كلۋبىنىڭ جاتتىقتىرۋشىسى ستانيمير ستويلوۆ كوماندانىڭ ءوز الاڭىندا وتەتىن ويىندا جەڭىسكە عانا ۇمتىلاتىنىن ءمالىم ەتتى.
- «بەنفيكا» - وتە كۇشتى، اسا سالماقتى كوماندا. ارينە، الاڭ يەلەرى كۇرەسۋگە، جەڭىسكە قول جەتكىزۋگە تىرىسادى. ەگەر بارلىق مۇمكىندىكتى دۇرىس پايدالانا الساق، ۇپاي الۋعا مۇمكىندىگىمىز بار. قولدان كەلگەننىڭ بارلىعىن جاسايمىز، ايانىپ قالمايمىز. مەنىڭشە، فۋتبولشىلار وزدەرىنە قانداي جاۋاپكەرشىلىك جۇكتەلگەنىن بىلەدى، - دەدى استانا كلۋبىنىڭ جاتتىقتىرۋشىسى.
ونىڭ ايتۋىنشا، «قايرات» كومانداسىنىڭ جەڭىسى ويىنشىلاردىڭ كوڭىل- كۇيىنە اسەر ەتكەن جوق. 10 كۇننىڭ ىشىندە فۋتبولشىلار ءبىراز دەمالدى، ال «قايراتپەن» وتكەن كەزدەسۋ ويىن بارىسىنا ىلەسۋ ءۇشىن كەرەمەت مۇمكىندىك بولدى.
ايتا كەتەيىك، چەمپيوندار ليگاسى ويىندارى اياسىندا «استانا» كومانداسى ءوز الاڭىنداعى كەزدەسۋلەردە جەڭىلگەن ەمەس.
- ءبىزدىڭ الاڭ - ءبىزدىڭ قورعان دەپ ۇدايى ايتامىن. بار كۇشىمىزدى سالىپ، ءوز الاڭىمىزدا كەز كەلگەن ەۋروپالىق كوماندانى ۇتۋعا تىرىسۋىمىز كەرەك، - دەيدى ول. - ءوز الاڭىمىزدا جەڭىلمەي كەلە جاتقانىمىزعا بەلگىلى ءبىر دەڭگەيدە جاساندى الاڭ دا سەپتىگىن تيگىزدى، بۇل بىزگە ءبىراز باسىمدىق بەرەدى، الايدا كاسىپقوي فۋتبولشى ءۇشىن بۇل قيىندىق تۋدىرماۋعا ءتيىس.
سونىمەن قاتار، «استانا» كلۋبىنىڭ جاتتىقتىرۋشىسى كوماندانىڭ جەڭىسكە جەتۋىندە جانكۇيەرلەردىڭ قولداۋى دا ۇلكەن ءرول اتقاراتىنىن ايتتى. فۋتبولشىلار ەرتەڭ دە «ون ەكىنشى ويىنشىنىڭ» قولداۋىن سەزىنەتىندەرىنە ءۇمىتتى.
ەسكە سالايىق، 25 -قاراشادا ساعات 19:00 باستاپ، قابانباي باتىر جانە تۇران داڭعىلدارىنىڭ بويىندا كەرەي مەن جانىبەك حاندار كوشەسىنەن حۋسەين بەن تالال كوشەسىنە دەيىنگى جول ۋچاسكەسى قوعامدىق كولىكتەر مەن تاكسيدەن باسقا كولىك قۇرالدارى ءۇشىن ويىن اياقتالعانشا جابىق بولادى. جۇرگىزۋشىلەرگە ورىنبور كوشەسىنىڭ بويىمەن ءجۇرۋ ۇسىنىلادى.
فۋتبول جانكۇيەرلەرى «استانا ارەنا» ستاديونىنا №№10, 12, 27, 40, 43, 51 اۆتوبۋستارمەن جەتە الادى.
سونداي- اق، جانكۇيەرلەرگە قولايلى بولۋى ءۇشىن ساعات 19:00 التى جەردەن ارنايى رەيستەر (شاتتلدار) اتتاناتىن بولادى:
- «قازاقستان» س ك (قاجىمۇقان كوشەسى)؛
- «حازىرەت سۇلتان» مەشىتى (قوشقاربايەۆ داڭعىلى)؛
- مۇڭايتپاسوۆ اتىنداعى ستاديون (كەنەسارى كوشەسى)؛
- «جاستار» تەاترى (بۇرىنعى وپەرا جانە بالەت تەاترى، زاتايەۆيچ كوشەسى)؛
- «نۇر استانا» مەشىتى (تۇراقتىڭ شىعىس جاعى)؛
- سيرك (تۇراق، قورعالجىن تاس جولىنىڭ بويىندا).
ارنايى رەيستىك اۆتوبۋستارمەن جول ءجۇرۋ قۇنى: ەرەسەكتەر ءۇشىن - 90 تەڭگە، 15 جاسقا دەيىنگى بالالار ءۇشىن - 40 تەڭگە، جول ءجۇرۋ بيلەتتەرى جارامسىز.
كەرى قايتۋ ءۇشىن ستاديوننىڭ تۇراقتارىندا جانە قابانباي باتىر داڭعىلىنىڭ بويىندا «استانا ارەنا» ستاديونىنىڭ ايالداماسىندا جوعارىدا كورسەتىلگەن 6 جەرگە ارنايى رەيستىك اۆتوبۋستار، سونداي-اق، №10, 12, 27, 28, 30, 40, 43, 51, 61 باعىتتار بويىنشا اۆتوبۋستار تۇرادى.
استانا حالىقارالىق اۋەجايى ايماقتارىنا جانە جاقىن ماڭدارداعى كەنتتەرگە باراتىن ازاماتتار اينالما باعىتتاردى الدىن الا جوسپارلاۋى قاجەت.
استانا قالاسىنىڭ ءى ءى د اكىمشىلىك پوليتسيا باسقارماسى فۋتبول ويىنىنا كەلگىسى كەلەتىن اۆتوكولىك يەلەرىنە قوعامدىق كولىكتەرمەن كەلۋدى ۇسىنادى. بۇدان بولەك، ءىس- شارا وتەتىن ايماقتا اكىمشىلىك پوليتسيا باسقارماسىنىڭ ەۆاكۋاتورلارى جۇمىس ىستەيتىن بولادى. كولىك قۇرالدارىن توقتاتۋ جانە قويۋ ەرەجەلەرىن بۇزعانى ءۇشىن اۆتوكولىكتەردى ايىپ تۇراعىنا جەتكىزۋ سياقتى اكىمشىلىك ىقپال ەتۋ شارالارى قولدانىلماق.
