كوزگە ءشوپ سالعان ەرلى- زايىپتىلار قاي ەلدە قالاي جازالانادى؟

استانا. قازاقپارات - «ومىرلىك سەرىك بولامىز» دەپ انت سۋ ىشكەنەن كەيىن، ءتۇزۋ جولدان تايىپ، شاڭىراقتارىن شايقالتىپ جاتاتىن جاندار، وكىنىشكە وراي، جوق ەمەس. بۇگىندە ەكىنىڭ ءبىرى اجىراسىپ جاتقانىمەن، بۇرىنعى ۋاقىتتا مۇندايعا جول بەرىلمەگەن.

 اجىراسۋ - وتە ۇياتتى قادام بولىپ ەسەپتەلگەن. ازاماتتاردىڭ نەكەسىن بۇزباۋى ءۇشىن، ءتىپتى كەيبىر ەلدەردە ەرلى- زايىپتىلاردى وپاسىزدىعى ءۇشىن قاتاڭ جازالاعان. ەندەشە، قاي ەلدە قانداي جازا قولدانىلعانىن قاراپ كورەلىك.

جازانىڭ اۋىرلىعى جاعىنان پاپۋا رەسپۋبليكاسى كوش باستاپ تۇر دەۋگە بولادى. الدانعان ەركەك ايەلىنىڭ كوڭىلدەسىنىڭ باسىن الۋعا رۇقسات بەرىلگەن. ال ايەلدى ولتىرمەگەن، ءبىراق كوڭىلدەسىنىڭ باسىن الماس بۇرىن وپاسىزدىق جاساعان ايەلدىڭ ساۋساعىن شايناتادى ەكەن.

ا ق ش- تىڭ ون شتاتىندا وپاسىزدىق جاساعان ەرلى- زايىپتىلاردى تۇرمەگە جابادى. مىسالى، ميننەسوتا شتاتىندا ايەل مەن ەركەكتى دە 5 -جىلعا تۇرمەگە جاۋىپ، 1000 $ ايىپپۇل تولەتەدى.

ۆاۆيلوندا وپاسىزدىق جاساعانداردى تۇنشىقتىرىپ ولتىرگەن.

ورتا اسسيريالىقتاردا ايەلىنىڭ وپاسىزدىعىنىڭ ۇستىنەن تۇسكەن ەركەك ەكەۋىن دە سول جەردە ولتىرۋگە قۇقىلى ەكەن.

قازىرگى تۇركيادا 1996 -جىلى قابىلدانعان زاڭعا ساي وسىنداي وپاسىزدىق ءۇشىن 5  جىلعا تۇرمەگە توعىتىلادى.

ال ساۋد ارابيادا كوڭىلدەسىنىڭ قۇشاعىندا بولعان ايەلدى شاريعاتقا ساي ءالى كۇنگە دەيىن ەل الدىندا تاسپەن اتادى. بۇل جازا ءتۇرى يران، ماۆريتانيا، باە، سۋدان مەن نيگەريادا (يسلام ەلدەرىندە) دا وسىنداي. تاسپەن اتۋ - تەك نەكەدە تۇرعان ايەل ادامدارعا قولدانىلاتىن جازا. ال وپاسىزدىق جاساعان ەركەكتەردى كوپتىڭ الدىندا ماسقارالاپ، ۇيالتادى.

جوعارىدا ايتىلعانداردىڭ سىرتىندا يراندا 1990 -جىلدان بەرى زاڭ بويىنشا كۇيەۋىنە وپاسىزدىق جاساعان ايەلدەرگە تاعى ءبىر قاتاڭ جازا تاعايىندالعان. بۇل زاڭعا سايكەس وپاسىزدىق جاساعان ايەلدى ءبىر تۋىسى (ەر ادام، كۇيەۋى بولۋى مىندەتتى ەمەس) ەشقانداي سوتسىز- اق ولتىرۋگە قۇقىلى.

پاكىستاندا شاريعاتقا ساي وپاسىزدىق جاساعان ايەلدى دارعا اسۋعا بولادى.

اۋعانستاندا تۋرا جولدان تايعان ايەلدەردى ەل الدىندا ماسقارالاۋدان باستاپ، 10 جىل تۇرمەگە دە جابادى.

ال يندونەزيادا 15 جىلعا تۇرمەگە توعىتادى ەكەن.

گەرمانيادا بۇرىنعى كەزدەرى وپاسىزدىق جاساعان ەرلى- زايىپتىلاردىڭ اياق- قولىن كەسىپ جازالاعان ەكەن. كەيبىر مالىمەتتەردە اقسۇيەكتەر اراسىندا وپاسىزدىققا بارعان ايەلدى قاماۋدا ۇستاعان دەلىنگەن.

XV- XVI عاسىرلاردا ەۋروپادا وپاسىزدىق جاساعان ايەلدى ءومىر بويىنا شىركەۋدە قالدىرعان ەكەن. سونداي- اق مۇرنىن، قۇلاعى مەن ەرنىن كەسىپ، جازالاعان كورىنەدى.

كەيبىر افريكالىق تايپالاردا وپاسىزدىق جاساعان ايەلدىڭ جاتىرىن الىپ تاستاعان ەكەن.

 قازىرگى قىتايدىڭ گۋاندۋڭ ولكەسىندە نەكەسىز جىنىستىق قاتىناسقا ءتيىم سالىنعان. وپاسىزدىق جاساعان ەرلى- زايىپتىلاردى 2  جىلعا تۇرمەگە جاۋىپ، مۇلكىنىڭ تەڭ جارتىسىن تاركىلەيدى.

 anabol.kz