سەمەي قالاسىنا الاش اتىن قايتارۋ كەرەك - سۇلتانحان اققۇل ۇلى
«ءاليحان بوكەيحاننىڭ 150 جىلدىعىن تويلاۋعا قاتىستى عالىمدار تاراپىنان دايىندالعان ءبىرقاتار ءىس- شارا بار. ونىڭ ىشىندە ەڭ الدىمەن الاشوردا اۆتونومياسى قۇرىلعان كۇنى ونىڭ استاناسى دا بەلگىلەنگەن بولاتىن. ول وسى كۇنى سەمەي دەگەن اتىمەن بەلگىلى قالا. ءبىراق سول سەمەي قالاسى الاش اۆتونومياسىنىڭ استاناسى بولىپ تۇرعان كەزدە الاش دەگەن اتىمەن بەلگىلى بولعان. ءاليحان بوكەيحان قول قويعان الاشوردا ۇكىمەتىنىڭ قۇجاتتارىنا قاراساق، بارلىعىندا الاش قالاسى دەلىنگەن. سوندىقتان بۇگىنگى سەمەي قالاسىنا الاش اتاۋىن بەرۋ كەرەك دەپ ويلايمىز» - دەدى س. اققۇل ۇلى.
سونداي- اق، ول جالپى 2016 -جىلدى ءاليحان بوكەيحان نەمەسە الاش جىلى دەپ اتاۋدى، سونداي-اق استاناداعى ل. گۋميلەۆ اتىنداعى ەۋرازيا ۇلتتىق ۋنيۆەرسيتەتى مەن وبلىس ورتالىقتارىنداعى ورتالىق كوشەلەرگە ءاليحان بوكەيحاننىڭ ەسىمىن بەرۋدى ۇسىندى.
«جالپى، 2016 -جىلدى الاش قوزعالىسىنا، ءاليحاننىڭ الاش قوزعالىسىنداعى ۇزەڭگىلەستەرىنە ارناپ، بۇكىل جىل بويى ءتۇرلى مەرەكەلىك، عىلىمي- تانىمدىق شارالار وتكىزىپ، دەرەكتى فيلمدەر مەن كوركەم فيلمدەر ءتۇسىرۋ جوسپاردا بار»، - دەدى سۇلتانحان اققۇل ۇلى.
ونىڭ ايتۋىنشا، ءاليحان بوكەيحاننىڭ 150 جىلدىعى ونىڭ تۋعان جەرى اقتوعاي اۋدانىندا دا كەڭىنەن اتالىپ وتەدى. وسى اۋدانداعى تالدىبەيىت دەگەن جەردە ءاليحاننىڭ اكەسى مەن اناسىنىڭ، باسقا دا تۋعاندارىنىڭ قابىرى جاتىر. ءاليحانعا ارنالعان تۇڭعىش رەسمي ەسكەرتكىش تە وسى اقتوعاي اۋدانىندا ورنالاسقان.
«ءاليحان بوكەيحانوۆ 1937 -جىلى اتىلعاننان كەيىن ماسكەۋ قالاسىنداعى دون زيراتىندا جەرلەنگەن. وسى زيراتتاعى كەڭەس ۇكىمەتى كەزىندە №1- دەپ اتالعان شۇڭقىرعا ءاليحاننىڭ ورتەلگەن سۇيەگىنىڭ كۇلى جەرلەنگەن. جالپى دون زيراتىندا 5 مىڭنان استام ادامنىڭ سۇيەگى جاتىر»، - دەدى ول.
BAQ.kz
