قازاقستان شەكاراسىندا جاياۋلاتىپ كەلە جاتقان قىتاي ازاماتى ۇستالدى

استانا. قازاقپارات - شەكاراشىلار ەلىمىزدىڭ شەكاراسىندا 500 دەن استام باس كيىممەن قىتاي ازاماتىن ۇستادى دەپ حابارلايدى ۇ ق ك شەكارا قىزمەتىنىڭ باسپا ءسوز قىزمەتى.

ۆەدومستۆونىڭ مالىمەتىنشە، ۇستىمىزدەگى جىلدىڭ 23-قاراشاسى كۇنى، ساعات ون جارىمنىڭ شاماسىندا «قورعاس» شەكارالىق باقىلاۋ وتريادىنىڭ شەكاراشىلارى كەدەندىك شەكارادان ءوتۋ بويىنشا زاڭنامالار تالاپتارىن بۇزعاندىعى ءۇشىن 62 جاستاعى قىتاي ازاماتىن ۇستادى.

كورشى ەلدەن جاياۋلاتىپ كەلە جاتقان ازاماتتىڭ سومكەلەرىنەن 96 دانا قۇندىز تەرىلى باس كيىمدەر، 266 دانا جىلى كەپكىلەر، 158 دانا جىلى، كۇنقاعارلى كەپكىلەر تابىلدى.

«باس كيىمدەر اكتىلەنىپ، يەسىمەن بىرگە كەدەن قىزمەتكەرلەرىنىڭ قۇزىرىنا تاپسىرىلدى»، - دەپ قورىتىندىلاندى باسپا ءسوز قىزمەتىنەن.