بالاسى مەن كەلىنىن باسشىلىق قىزمەتكە ورنالاستىرعان اكىم ورىنباسارى جۇمىسىنان ايىرىلدى
بۇل تۋرالى ورتالىق كوممۋنيكاتسيالىق قىزمەتىندەگى باسپا ءسوز ءماسليحاتىندا بەردىبەك ساپاربايەۆ حابارلادى، - دەپ حابارلايدى Tengrinews.kz ءتىلشىسى.
«مەن ونىمەن بىرنەشە رەت اڭگىمەلەستىم. ارينە، ول مەملەكەتتىك قىزمەتكەردىڭ ار-نامىس كودەكسىنە قاتىستى قاتەلىك جاسادى. ول بىرنەشە كۇن بۇرىن جۇمىستان كەتۋ تۋرالى ارىز جازدى. قازىر ول ءوز قالاۋىمەن جۇمىسىنان كەتەدى. ونىڭ قىزمەتىنە، بالاسىنا، كەلىنىنە قاتىستى ماسەلەنى ءبىز شەشتىك. بالاسى قىزمەتىنەن بوسادى، كەلىنى دە»، - دەدى ساپاربايەۆ.
وسىعان دەيىن اكىم ورىنباسارى سارا نۇرقاتوۆانىڭ جۇمىستان كەتۋگە ارىز جازعانى حابارلانعان بولاتىن. ونىڭ بالاسى ماكسيم چاركين مەن كەلىنى الۋا كاسيموۆا دا قىزمەت ورنىن بوساتۋدى شەشىپتى.
ەسكە سالايىق، بيىلعى قازان ايىندا «نۇر وتان» پارتياسىنا قاراستى سىبايلاس جەمقورلىققا قارسى ءىس-قيمىل جونىندەگى قوعامدىق كەڭەستىڭ ءتوراعاسى اقتوبە وبلىسى اكىمىنىڭ ورىنباسارى سارا نۇرقاتوۆاعا ونىڭ جاقىن تۋىستارىنىڭ جەتەكشى قىزمەتتەردە جۇمىس ىستەيتىنى ءۇشىن جۇمىستان كەتۋگە ۇسىنىس جاساعان بولاتىن.
