رەسەي قازاقتارى باس قوستى
قازاقستان رەسپۋبليكاسىنىڭ رەسەي فەدەراتسياسىنداعى ەلشىلىگى ۇيىمداستىرعان وتىرىسقا رەسەيدىڭ ايماقتارىندا قىزمەت ەتەتىن 35 كە جۋىق وسى ەل قازاقتارى قوعامدىق ۇيىمدارىنىڭ وكىلدەرى، ەلىمىزدىڭ رەسەيدەگى كونسۋلدىق مەكەمەلەرىنىڭ باسشىلارى جانە رەسەي فەدەراتسياسى ۇلتتار ىستەرى جونىندەگى فەدەرالدى اگەنتتىگىنىڭ وكىلدەرى قاتىستى.
كەزدەسۋ بارىسىندا رەسەي قازاقتارى قوعامدىق بىرلەستىكتەرىنىڭ وكىلدەرى ءوز قىزمەتتەرى جايلى جان- جاقتى حاباردار ەتتى. ءىس- شارا قاتىسۋشىلارى رەسەي فەدەراتسياسى اۋماعىندا تۇرىپ جاتقان قانداستارىمىز اراسىندا قازاق ءتىلىن، ءداستۇرىن، مادەنيەتىن ساقتاۋ جانە ناسيحاتتاۋ جولىندا الداعى بىرلەسكەن جۇمىس جۇرگىزۋ باعىتتارىن تالقىلادى.
جينالىس اياقتالعان سوڭ رەسەيدىڭ استاناسىندا باس قوسقان قانداستارىمىز قازاقستان ەلشىلىگى جاردەمىمەن ماسكەۋ قازاقتارىنىڭ قوعامدىق ۇيىمدارى جانە قازاقستاندىق ستۋدەنتتەر بىرلەستىگى ۇيىمداستىرعان «التىن كۇز» بايقاۋ- فەستيۆالىنە قوناق بولىپ قاتىستى.
«ەگەمەن- اقپارات» .
