گرەكيا مەن ماكەدونيا اراسىندا جولدارى بوگەلگەن بوسقىندار ءوز اۋىزدارىن تىگىپ تاستادى

استانا. قازاقپارات - گرەكيا مەن ماكەدونيا شەكارالارى اراسىندا جولدارى بوگەلگەن بوسقىندار ەۋروپاعا ساپارىن جالعاستىرا الماعاندارىنا نارازىلىق رەتىندە ءوز اۋىزدارىن تىگىپ تاستادى، دەپ جازادى بي- بي- سي.

ەرنى تىگىلگەن التى- جەتى ەر ادام شەكارا ماڭىنداعى ەيدومەني ەلدى مەكەنى جانىندا ءتىزىلىپ تۇرعان پوليتسەيلەرگە قاراما- قارسى تەمىر جولعا وتىرىپ العان. ولاردىڭ كەۋدەسى مەن ماڭدايىندا «ءادىل ەركىندىك» دەگەن جازۋ بولعان.

 نارازىلىق اكسياسىنا قاتىسۋشىلار - يران كۇردتەرى بولۋى مۇمكىن. ەكونوميكالىق ميگرانت دەپ تانىلىپ، شەكارادان اسىپ وتۋىنە تىيىم سالىنعان بانگلادەش پەن ماروككودان كەلگەن ەر ادامدار دا ولاردىڭ قاتارىنا قوسىلدى.

ماكەدونيا قارۋلى قاقتىعىستار ءجۇرىپ جاتقان ەلدەردەن كەلگەن ازاماتتاردىڭ كىرۋىنە تىيىم سالعاننان كەيىن نارازىلىق شاراسىنا جالپى العاندا جۇزدەگەن بوسقىن قاتىستى.