ارىس قالاسىندا جول جيەگىنەن گراناتا تابىلدى

استانا. قازاقپارات - ارىس قالاسىندا جولدىڭ جيەگىنەن گراناتا تابىلدى. ونى جەرگىلىكتى تۇرعىن بايقاپ قويىپتى.

22- قاراشا كۇنى ارىستاعى پوليتسيانىڭ كەزەكشى بولىمىنە 47 جاستاعى قالا تۇرعىنى قوڭىراۋ شالىپ، «ارىس-شاردارا» تاس جولىنىڭ شەتىنەن گراناتاعا ۇقساس زاتتى كورگەنىن حابارلايدى.

تەز ارادا ول جەرگە پوليتسەيلەر مەن جەرگىلىكتى اسكەري ءبولىمىنىڭ ساپەرلارى كەلدى. اۋماقتى قورشاپ، تەكسەرگەن ماماندار گراناتتىڭ ف-1 وقۋ-جاتتىعۋ قۇرالى ەكەنىن، زيانى جوعىن انىقتايدى.

قازىر اتالعان فاكتى بويىنشا قارۋ-جاراق، وق-ءدارى، جارىلعىش زاتتاردى زاڭسىز ساتىپ الۋ، بىرەۋگە بەرۋ جانە زاڭسىز ساقتاۋعا بايلانىستى قىلمىستى ءىس قوزعالدى. ساراپتاما تاعايىندالعان، دەپ حابارلايدى otyrar.kz.