08:51, 24 - قاراشا 2015 | GMT +5
بوكس: اعايىندى جايلاۋوۆتار كەمپتون پاركتە وتەتىن جەكپە- جەككە ازىرلىك ۇستىندە - فوتو
استانا. قازاقپارات - 1 - جەلتوقساندا وڭتۇستىك افريكا رەسپۋبليكاسىنداعى كەمپتون پارك قالاسىندا كاسىبي بوكس كەشى وتەدى.
وندا 21 جاسار رومان جايلاۋوۆ ءوز سالماق دارەجەسى بويىنشا جەڭىلىسكە ۇشىراماعان كونگولىق بىلعارى قولعاپ شەبەرى 22 جاستاعى پول كامانگامەن كەزدەسەدى.
12 راۋندىق جەكپە- جەك جارتىلاي ورتا سالماق دارەجەسى بويىنشا وتەدى.
وسى كەشتە روماننىڭ ءىنىسى دايىر جايلاۋوۆ العاش رەت كاسىبي شارشى الاڭعا شىعادى، دەپ حابارلانعان قازاقستان كاسىبي بوكسىنىڭ ۆكونتاكتە الەۋمەتتىك جەلىسىندەگى پاراقشاسىندا.
قازىر اعالى- ءىنىلى بوكسشىلار الداعى سايىسقا قىزۋ ازىرلىك ۇستىندە.
