الماتىدا العاشقى قايىرىمدىلىق كومەك ورتالىعى اشىلدى
الەۋمەتتىك جاعدايى تومەن، كەز كەلگەن كومەككە مۇقتاج جان ورتالىققا كەلىپ، وزىنە قاجەتتى سىرت كيىم، اياق كيىم، ءۇي جابدىقتارى مەن ويىنشىقتار سياقتى زاتتاردى تەگىن الا الادى. ورتالىقتىڭ جۇمىسى اشىق جانە كوپشىلىككە قولجەتىمدى تۇردە جۇمىس ىستەيدى. ءار اي سايىن الەۋمەتتىك جەلىلەردە مەيىرباندىق تانىتقان تۇلعالاردىڭ، ۇيىمدار مەن كومپانيالاردىڭ تىزىمدەرى جانە كومەك الۋشىلاردىڭ سانى كورسەتىلىپ، مالىمەت بەرىلەدى.
اكسيانىڭ ماقساتى - تۇرعىندار اراسىنداعى وسىنداي الەۋمەتتىك تۇرعىدا كومەككە مۇقتاج توپتاردىڭ ماسەلەلەرىنە كوپشىلىكتىڭ نازارىن اۋدارۋ، سونداي-اق تۇرمىسى تومەن وتباسىلارعا، جەتىم بالالارعا، جارىمجان قاريالارعا، ۇلى وتان سوعىسى ارداگەرلەرىنە، تىل ەڭبەككەرلەرىنە، توتەنشە جاعداي سالدارىنان زارداپ شەككەندەرگە، باسقا دا جالعىزىلىكتى جاندارعا تۇراقتى كومەكتەسۋ.
شارانى ۇيىمداستىرۋشىلار قايىرىمدىلىق ماقساتتاعى جانە ۇكىمەتتىك ەمەس ۇيىمدار، شاعىن جانە ورتا كاسىپكەرلىك، «اتامەكەن» ايماقتىق كاسىپكەرلەر پالاتاسى مەن «نۇر وتان» پارتياسى ايماقتىق فيليالدارىنىڭ وكىلدەرى، ءىرى ساۋدا ورتالىقتارى مەن بازارلاردىڭ يەلەرى بولىپ تابىلادى.
سونىمەن قاتار كەز كەلگەن ادام «مەيىرىمدى جۇرەكپەن» قوعامدىق قوزعالىسىنىڭ قاتارىنا ەنىپ، يگى ىستەرگە ءوز ۇلەسىن قوسا الاتىنىن اتاي كەتكەن ءجون.
