كولىك شىعاراتىن كومپانيا جۇرگىزۋشىلەرگە جولدا كينو كورۋمەن ۋاقىت قىسقارتۋدى ۇسىنباق

استانا. قازاقپارات - Volvo كومپانياسى Concept 26 كولىگىن شىعارۋدى جوسپارلاۋدا. مۇندا جۇرگىزۋشىنىڭ كولىكتى باسقارۋمەن عانا شەكتەلمەي، جولداعى ۋاقىتتى بارىنشا ءتيىمدى وتكىزۋى كوزدەلگەن.

 ءوندىرۋشى اۆتو سۇيەر قاۋىم مەن جۇرگىنشىلەردىڭ قاۋىپسىزدىگىن دە ەسكەرگەن.

 Volvo ينجەنەرلەرى امەريكاندىق جۇرگىزۋشىلەر كۇن سايىن جولعا جۇمسايتىن ورتاشا ۋاقىتتارىن - 26 مينۋتتى بارىنشا قىزىقتى وتكىزۋى قاجەت دەپ سانايدى، سوندىقتان دا جۇرگىزۋشىگە Concept 26 ءۇش رەجىمدى ۇسىنادى: كولىك جۇرگىزۋ، جۇمىس ىستەۋ جانە كوڭىل كوتەرۋ.

ءبىرىنشى رەجىم كولىكتى ادەتتەگى باسقارۋعا ارنالعان. ەكىنشىسى جۇرگىزۋدەن بولەك، جىلجىمالى ۇستەل مەن كومپيۋتەر كومەگىمەن جۇمىس ىستەۋگە، ءۇشىنشىسى - جولدى قىسقارتىپ، دەم الۋ ءۇشىن 25 ديۋيمدى مونيتوردا كينو كورىپ نەمەسە مۋزىكا تىڭداپ، ۋاقىت قىسقارتۋعا ارنالعان، دەپ حابارلادى «پوپۋليارنايا مەحانيكا» پورتالى.