قازاقستاندا جوعارى سىنىپتاردىڭ جانە ۋنيۆەرسيتەتتەردىڭ وقۋ باعدارلامالارى اعىلشىن تىلىندە وقىتىلاتىن بولادى
بۇل تۋرالى ۇكىمەتتىڭ «مينيسترگە سۇراق قوي» اتتى ونلاين-كونفەرەنسيالار سەرياسىندا ق ر ءبىلىم جانە عىلىم ءمينيسترى اسلان ءسارىنجىپوۆ ءمالىم ەتتى.
«مەملەكەت باسشىسى قازاقستاندا جوعارى سىنىپتاردىڭ جانە ج و و- لاردىڭ وقۋ باعدارلامالارى اعىلشىن تىلىندە وقىتۋدى كەزەڭ- كەزەڭمەن كوشىرۋدى تاپسىردى. باستى ماقسات - دايىنداپ جاتقان ماماندارىمىزدىڭ باسەكەگە قابىلەتتىلىگىن ارتتىرۋ جانە ءبىلىم بەرۋ سەكتورىنىڭ ەكسپورتتىق الەۋەتىن ارتتىرۋ»، - دەيدى مينيستر.
ونىڭ سوزىنە قاراعاندا، بۇل ءوز كەزەگىندە جوعارى ءبىلىم بەرۋدىڭ ەۋروپالىق اۋماعىنا وتۋگە ىقپال ەتپەك.
«وعان قوسا، قازاقستان رەسپۋبليكاسىنىڭ ءبىلىم بەرۋدى دامىتۋدىڭ 2011-2020 -جىلدارعا ارنالعان مەمباعدارلاماسى ءبىزدىڭ الدىمىزعا جوعارى ءبىلىمنىڭ قۇرىلىمى مەن مازمۇنىن بولون پروتسەسىنىڭ پارامەترلەرىنە سايكەستەندىرۋ ارقىلى جوعارى ءبىلىم بەرۋدىڭ ەۋروپالىق اۋماعىمەن ىقپالداستىرۋ بويىنشا ماقساتتاردى قويىپ وتىر»، - دەپ ءتۇيدى ءسوزىن ا. ءسارىنجىپوۆ.
اۆتور: جاسۇلان جولدىبايەۆ
