ورالدا وقۋشىنى توناعان شەتەلدىك ازامات قولعا ءتۇستى

ورال. قازاقپارات - 21 -قاراشا كۇنى ساعات 14.20 دا ورال قالاسىنداعى 4-شاعىناۋداندا بەلگىسىز ەر ادام 11-سىنىپ وقۋشىسىن توناپ، «ايفون-6» تەلەفونىن اشىقتان-اشىق جىمقىرىپ كەتكەن.

 ب ق و ءى ءى د باسپا ءسوز قىزمەتىنەن تۇسكەن مالىمەتكە قاراعاندا، جابىرلەنۋشى ەر ادامنىڭ بويى 180-185 سانتيمەتر، قارا ءتۇستى كۇرتە كيگەنىن، باسقا دا ەرەكشە بەلگىلەرىن ايتىپ بەرگەن.

وسى دەرەكتەر ورال قالالىق ىشكى ىستەر باسقارماسىنىڭ جەدەل قىزمەتكەرلەرىنە قىلمىستى اشۋعا كومەكتەستى.

كوپ ۇزاماي وقۋشىنى توناعان 18 جاسار شەتەلدىك ازامات ەكەنى انىقتالىپ، ول ۋاقىتشا وقشاۋلاۋ يزولياتورىنا قامالدى. قىمبات تەلەفون وقۋشىعا قايتارىلدى.

اۆتور: ەلجان ەرالى