وسكەمەندە شەنەۋنىككە شابۋىل جاساۋى مۇمكىن دەلىنگەندەر ۆيدەوعا ءتۇسىپ قالدى - كەسكىن
ۆيدەوجازبانى Tengrinews.kz رەداكسياسىنا زارداپ شەككەن شەنەۋنىكتىڭ ءوزى جولدادى. ول وسكەمەن تۇرعىندارى ولاردى تانىپ قالۋى مۇمكىن دەپ ۇمىتتەنىپ وتىر. شابۋىل جاساعانداردىڭ سانى ەكەۋ، ۆيدەودان ولاردىڭ ۇيگە كىرىپ- شىققانىن كورۋگە بولادى، الايدا تۇرلەرى انىق ەمەس.
«قۇرمەتتى دوستار، بۇقارالىق اقپارات قۇرالدارىنىڭ وكىلدەرى، سىزدەردەن بيىل 5 -قاراشا كۇنى ساعات 08.35 - 08.40 شاماسىندا مەن تۇراتىن ءۇيدىڭ كىرەبەرىسىندە ماعان شابۋىل جاساعانداردى تابۋعا كومەكتەسۋلەرىڭىزدى سۇرايمىن. قىزمەتتىك كولىگىمنىڭ ۆيدەوتىركەگىشىنە جازىلىپ قالعان ۆيدەونى جولداپ وتىرمىن. بىرەۋلەر ولاردى جۇرىستەرىنەن تانىپ قالار. (...) كەز كەلگەن اقپارات ءۇشىن جاقسى سىياقى مەن قۇپيالىلىققا كەپىلدىك بەرەمىن. شابۋىل جاساعاندار ەكەۋ، تاعى بىرەۋى سىرتتا تۇرعان. ۆيدەودان ولاردىڭ كىرىپ-شىققانىن كورۋگە بولادى. كومەك سۇرايمىن. ەرتەڭ ول ءسىزدىڭ جولداسىڭىز نەمەسە تۋىسىڭىز بولۋى مۇمكىن»، - دەپ جازدى چيكەنوۆ.
