قازاقستاندىق جۇلدىزدار جاپپاي قايرات نۇرتاسقا ەلىكتەپ ءجۇر - فوتو

استانا. قازاقپارات - وتاندىق جۇلدىزداردىڭ ىشىندە دە قايرات نۇرتاسقا ەلىكتەيتىندەردىڭ قاتارى كوبەيۋدە. سولاردىڭ ءبىرى، ءانشى شىڭعىس قۇرالبايەۆ پەن سەرىكبول سايلاۋبەك قايراتتىڭ شاش ۇلگىسىن، ءجۇرىس- تۇرىسىن اينىتپاي كوشىرىپ العان.

تانىمال ءانشى ەرنار ايداردى دا قايرات نۇرتاسقا ۇقسايدى دەپ جۇرگەن كورەرمەن كوپ. راسىندا دا، ءانشىنىڭ قيمىلى، ءان ورىنداۋ ءستيلى، ءتىپتى اندەرى دە قايرات نۇرتاستىڭ شىعارماشىلىعىنا قاتتى ۇقسايدى. مۇنداي سوزدەرگە ەتى ۇيرەنىپ كەتكەن ەرنار جەكە ءان كەشىنە قايراتتىڭ ءوزىن شاقىرىپ، ارتىسپەن بىرگە ءان سالىپ ءجۇر.

 قايرات نۇرتاستىڭ تانىمالدىلىعى سونشا، "31" تەلەارنادا "100 پايىز جۇلدىز" شوۋ باعدارلاماسى جارىق كوردى. سايىسقا قايراتتى اينىتپاي سالاتىن 15 ۇمىتكەر نيەت بىلدىرگەن.

 دەگەنمەن، قازىلار القاسىندا وتىرعان قايرات نۇرتاس وزىنە جانۇزاق ەلدوس ەسىمدى جىگىتتى قاتتى ۇقساتقان. بۇل جىگىت "ايتۋعا وڭاي" باعدارلاماسىنا ەلىكتەۋشى قوناق رەتىندە شاقىرىلىپ، جاستار اراسىندا جۇلدىزعا اينالىپ ۇلگەردى.

 

دەرەككوز: NUR. KZ