دوسحان جولجاقسىنوۆتىڭ «قۇنانباي» فيلمى كورسەتىلە باستايدى
ول ۇلى ابايدىڭ اكەسى قۇنانباي وسكەنباي ۇلىنا ارنالعان، دەپ حابارلادى «قازاق فيلم» ا ق باسپا ءسوز قىزمەتىنەن.
«دارىندى قازاقستاندىق كينورەجيسسەر، تەاتر جانە كينو اكتەرى، پروديۋسەر، قازاقستاننىڭ حالىق ءارتىسى، ق ر مەملەكەتتىك سىيلىعىنىڭ لاۋرەاتى دوسحان جولجاقسىنوۆتىڭ «قۇنانباي» تاريحي كوركەم فيلمى پروكاتقا شىعادى»، - دەلىنگەن حابارلامادا.
د. جولجاقسىنوۆ «دالاداعى قۋعىن» (1979)، «التىن كۇز» (1980)، «كوشپەندىلەر» (2010) جانە ت. ب. فيلمدەر بويىنشا بەلگىلى. ونىڭ رەجيسسەر رەتىندەگى العاشقى ەڭبەگى - «ءبىرجان سال» فيلمى بولدى. ونى قازاقستاندىقتارمەن قاتار شەتەلدىك كورەرمەن جوعارى باعالادى.
فيلم قۇنانباي وسكەنباي ۇلىنىڭ ومىرىمەن بىرگە XIX عاسىرداعى ەلدىڭ تىنىس- تىرشىلىگىمەن تانىستىرادى.
كوركەم فيلم سەناريىن دوسحان جولجاقسىنوۆ پەن جازۋشى تالاسبەك اسەمقۇلوۆ جازدى.
فيلم قۇنانبايدىڭ تۋعان جەرىندە، شىعىس قازاقستان وبلىسى اباي اۋدانى قاراۋىل كەنتىندە جانە الماتى وبلىسىندا تۇسىرىلگەن.
