قازاقستاننىڭ وڭدەۋ ونەركاسىبىندە ءوسىم بار - ءا. يسەكەشەۆ

استانا. قازاقپارات - وزگە ەلدەردە وڭدەۋشى ونەركاسىپتە تومەندەۋ ورىن العانىمەن، قازاقستاندا بۇل سالادا ءبىرشاما ءوسىم بايقالىپ وتىر.

بۇل تۋرالى بۇگىن ۇكىمەت وتىرىسىندا ق ر ينۆەستيتسيالار جانە دامۋ ءمينيسترى اسەت يسەكەشەۆ ءمالىم ەتتى.

«وڭدەۋشى ونەركاسىپتە ءبىز 0,5 پايىز دەڭگەيىندە ءوسىمدى بايقاپ وتىرمىز. اتاپ ايتقاندا، بۇل جاعداي سىرتقى فاكتورلارعا بايلانىستى قالىپتاسىپ وتىر. مىسالى، وزگە ەلدەردە وڭدەۋشى ونەركاسىپ وتە قيىن جاعدايعا تاپ بولۋدا. رەسەيدە بۇل سالاداعى قۇلدىراۋ 5 پايىزدى، ال بەلارۋستە 8 پايىزدى قۇراپ وتىر. وڭتۇستىك كورەيا، نورۆەگيا، برازيليا، فينليانديا سەكىلدى ەلدەردە دە وڭدەۋشى ونەركاسىپتىڭ تومەندەۋىن كورىپ وتىرمىز. قازاقستاندا ءبىرىنشى بەس جىلدىقتا باسىمدىق بەرىلگەن ءتۇلى-ءتۇستى مەتاللۋرگيا، حيميا، قۇرىلىس ماتەريالدارى باعىتىنداعى سالالار وڭتايلى ءرول ويناۋدا»، - دەدى مينيستر.