قازاقستان ازاماتى شەكارادان كورپەنىڭ استىنا جاسىرىنىپ وتپەكشى بولدى
«اقتوبە شەكارا وتريادىنا قاراستى (قازاقستان-رەسەي شەكاراسى) «جايساڭ - اۆتو» كولىكتىك-شەكارالىق باقىلاۋ بولىمشەسىنىڭ شەكاراشىلارى قاراشانىڭ 23 نە قاراعان ءتۇنى، ساعات 23:55 تە ەلىمىزدەن رەسەيگە قاراي كەتىپ بارا جاتقان «مەرسەدەس» جۇك اۆتوكولىگىن تەكسەرۋ بارىسىندا، كولىكتىڭ جاتىن بولىگىندەگى كورپە-جاستىقتىڭ اراسىنا جاسىرىنعان ادامدى تاۋىپ الدى. وسىنداي جولمەن مەملەكەتتىك شەكارادان جاسىرىنىپ وتپەك بولعان ادام 1988-جىلى تۋعان وتانداسىمىز بولىپ شىقتى»، - دەپ حابارلادى شەكارا قىزمەتىندەگىلەر.
وعان قازاقستان رەسپۋبليكاسىنىڭ اۋماعىنان شىعۋعا تىيىم سالىنعان ەكەن. ماسەلەنى وسىنداي جولمەن شەشۋگە بەل بۋعان ول ەندى ق ر قىلمىس كودەكسىنىڭ 392-بابىنىڭ 1-بولىگى («مەملەكەتتىك شەكارادان وتكىزۋ پۋنكتتەرىندە بەلگىلەنگەن ءتارتىپتى بۇزا وتىرىپ، زاڭسىز وتۋگە تىرىسۋ») بويىنشا جاۋاپقا تارتىلاتىن بولادى.
