12:32, 23 - قاراشا 2015 | GMT +5
قىتايداعى گران-پريدە قازاقستاندىق بالۋان موڭعوليالىق سپورتشىدان ۇتىلىپ ەكىنشى ورىن الدى
استانا. قازاقپارات - قىتايدا وتكىزىلگەن «Grand Prix» جارىسىندا 100 كەلى سالماق دارەجەسىندە قازاقستاندىق دزيۋدوشى ماكسيم راكوۆ ەكىنشى ورىن الدى.
اقتىق باسەكەگە دەيىن ول ءوز قارسىلاستارىن تولىقتاي جەڭىپ، فينالدا موڭعوليا بالۋانى نايدان تۋۆشينبايارمەن كەزدەستى. تارتىستى وتكەن كەزدەسۋدە ماكسيم ەسكەرتۋلەر سانى بويىنشا قارسىلاسىنا ەسە جىبەرىپ الدى.
سونىمەن قاتار 100 كەلىدەن جوعارى سالماق دارەجەسىندە ايتۋار ابدۋللوۆ بەسىنشى ورىنعا تۇراقتادى، دەپ حابارلايدى ق ر دزيۋدو فەدەراتسياسىنان.
وسىمەن قىتايداعى جارىس مارەسىنە جەتتى، كەزەكتى تۋرنير كورەيادا كەلەسى اپتادا وتكىزىلەتىن بولادى.
