يراكتاعى ەكى اۋەجايدا بارلىق دەرلىك رەيستەر ۇشىرىلمايتىن بولدى
سۋلەيمانيا حالىقارالىق اۋەجايىنىڭ ونلاين-تابلو مالىمەتتەرىنە سايكەس، 23- قاراشاعا جوسپارلانعان بارلىق دەرلىك رەيستەر ۇشىرىلمايتىن بولدى. الايدا بۇل جەرگىلىكتى ۋاقىتپەن ساعات 03:45 جانە 5:00 تە ىستامبۇلدان كەلەتىن، سونىمەن قاتار جەرگىلىكتى ۋاقىتپەن ساعات 4:45 تە ىستامبۇلعا ۇشاتىن رەيسكە اسەرىن تيگىزبەدى.
ەربيل حالىقارالىق اۋەجايىنىڭ ونلاين-تابلوسىندا دا 23- قاراشادا كوپتەگەن رەيستەر ۇشىرىلماعانىن بايقاۋعا بولادى. جەرگىلىكتى ۋاقىتپەن ساعات 00:40 تا ۇشاق ىستامبۇلعا ۇشتى، ال ىستامبۇلدان رەيس جەرگىلىكتى ۋاقىتپەن ساعات 02:25 تە كەلدى. تاعى بەس رەيس تۋرالى اقپارات ازىرگە جوق.
24- قاراشاداعى رەيستەر تۋرالى مالىمەتتەر ايتىلمادى. تەك ىستامبۇلعا ۇشاتىن نە ودان كەلەتىن رەيستەر عانا وزگەرىسسىز كەستە بويىنشا جۇزەگە اسپاق.
ەكى اۋەجايداعى ۇشاقتاردى ۇشىرۋ ۋاقىتىنداعى وزگەرىستەر سەبەبى تۋرالى ايتىلماعان، دەپ جازدى ر ي ا نوۆوستي.
