نازاربايەۆ ۋنيۆەرسيتەتىندەگى بيزنەس مەكتەبىنىڭ تۇلەكتەرى ەكونوميكامىزدىڭ دامۋىنا ۇلەس قوسادى
بۇل باعدارلامامەن تەك ەڭبەك تاجىريبەسى مەن جوعارعى ءبىلىمى ۇشتاسقان ازاماتتار عانا وقي الادى. كاسىبي ىسكەرلىك سالاسىنداعى ءبىلىم بەرۋدى دامىتۋ قاجەتتىگىن مەملەكەت باسشىسى نۇرسۇلتان نازاربايەۆ ەلدىڭ دامۋ باعدارلاماسىندا ەرەكشە اتاپ وتكەن بولاتىن.
حالىقارالىق ستاندارتتارعا ساي ءتالىم العان مەنەدجەرلەر ەكونوميكامىزدىڭ دامۋىنا دا ەندى ەلەۋلى ۇلەس قوسا الادى. بۇلار - МВА دارەجەسىن يەلەنگەن 53 مەنەدجەر. نازاربايەۆ ۋنيۆەرسيتەتى جانىنان قۇرىلعان جوعارعى بيزنەس مەكتەبىنىڭ تۇلەكتەرى. ءبىرى - بىلدەي ءبىر كاسىپورىننىڭ باسشىسى، تاعى ءبىرى - توپ- مەنەدجەر بولۋدى ماقسات تۇتقان جاس مامان. استاناداعى جوعارعى بيزنەس مەكتەبى ءۇش جىلدان بەرى ماگيسترلىك باعدارلامانىڭ ەكى ءتۇرى بويىنشا ءتالىم بەرىپ كەلەدى. العاشقىسى - كومپانيا جەتەكشىلەرىنە ارنالعان 20 ايلىق ماگيسترلىك باعدارلاما.
ەكىنشى باعىت كەمىندە 5 جىل ەڭبەك ءوتىلى بار جاس ماماندارعا ارنالعان. جيىندا ءسوز العان وقىتۋشىلار ەلىمىزدىڭ ءبىلىم بەرۋ ساپاسىن ارتتىرۋدا ەلباسىنىڭ قوسقان ەلەۋلى ۇلەسىن ەرەكشە اتاپ ءوتتى. وسىنىڭ ناتيجەسىندە نازاربايەۆ ۋنيۆەرسيتەتى مەن بيزنەس مەكتەبىنىڭ ابىرويى ت م د ايماعىندا كوش باستاپ تۇر. ال مۇنداعى وقىتۋ جۇيەسىن الەمدىك ءبىلىم وردالارى جوعارى باعالايدى.
«تۇلەكتەر العان بىلىمدەرىن تاجىريبەدە ءتيىستى دەڭگەيدە قولدانا بىلسە، ءبىزدىڭ باعدارلامانىڭ نەگىزگى دامۋ كورسەتكىشى دە وسى بولماق. ياعني مەملەكەت باسشىسىنىڭ قولداۋىمەن الەمدىك ستاندارتقا ساي ءبىلىم العان جاستار قولعا الىنعان باعدارلامانىڭ العاشقى جەمىستەرى دەپ ايتۋعا تولىق نەگىز بار. يننوۆاتسيالىق كاسىپورىنداردىڭ باسشىلارى تەك بىلىكتى مامان بولىپ قانا قويماي، ەل ەكونوميكاسىن جەتىك مەڭگەرىپ، باسقارۋدىڭ ءتيىمدى تەتىكتەرىن بىلۋلەرى قاجەت، - دەيدى نازاربايەۆ ۋنيۆەرسيتەتىنىڭ پرەزيدەنتى شيگەو كاتسۋ.
بيزنەس مەكتەبىندەگى وقىتۋشىلار قۇرامى بەدەلدى اكادەميالىق باسپالاردىڭ رەداكتورلارى، ءىرى حالىقارالىق بيزنەس كومپانيالارىنىڭ باسشىلارى، جەتەكشى ماماندار مەن بىلىكتى پروفەسسورلاردان قۇرالعان. سولاردىڭ ءبىرى - PhD دارەجەسىن مەڭگەرگەن قارجىگەر مارەك يوحەنتس. قازاقستانعا كەلگەنىنە از ۋاقىت وتسە دە پروفەسسور ءبىزدىڭ ەلدىڭ ماماندار نارىعىن تىڭعىلىقتى زەرتتەگەن.
«قازاقستاندا ەكونوميكانىڭ باسىم سالالارىندا بىلىكتى كادرلاردىڭ تاپشىلىعى بايقالعان شاقتا، بيزنەس مەكتەپتەرىنىڭ ماڭىزى زور»، - دەيدى ۇستاز.
«ءبىزدىڭ ستۋدەنتتەرگە بەرگەن ءبىلىمىمىز تىكەلەي ولاردىڭ جۇمىستارىنا قاتىستى. ماقساتىمىز - كاسىپتىك مەنەدجەرلەردى دايىنداۋ، ءبىلىم الۋشىلارعا بيزنەس سالاسىنداعى جاڭا ءبىلىمدى يگەرىپ، ورىندى قولدانۋعا، سونىمەن قاتار كوشباسشىلىق قاسيەتتەرى بار، وي- ءورىسى كەڭ تۇلعالاردى تاربيەلەۋ»، - دەدى نازاربايەۆ ۋنيۆەرسيتەتى جانىنداعى جوعارعى بيزنەس مەكتەبىنىڭ پروفەسسورى مارەك يوحەنتس.
ايتا كەتەيىك، بۇل ءبىلىم ورداسى - ا ق ش- تىڭ بەلگىلى فۋكۋا اتىنداعى بيزنەس مەكتەبىمەن سەرىكتەستىك ورناتقان العاشقى وقۋ ورنى. سوندىقتان بۇل وقۋ وشاعى - كاسىپكەرلىكتىڭ جىلىگىن شاعاتىن بىلىكتى مامان دايارلاۋدا تاپتىرماس مەكتەپ.
