10:10, 23 - قاراشا 2015 | GMT +5
باراك وباما تاباعىنا تارتىلاتىن كۇركەتاۋىق تاڭدالدى
استانا. قازاقپارات - ا ق ش حالقى قاراشا ايىنىڭ ءاربىر ءتورتىنشى بەيسەنبىسىندە ريزاشىلىق كۇنىن (Thanksgiving Day) اتاپ وتەدى.
بيىل ول 26 - قاراشاعا تاپ كەلىپ تۇر. ال مەرەكەلىك داستارحاننىڭ نەگىزگى اسى كۇركەتاۋىق ەكەنى بەلگىلى. وسىعان وراي كاليفورنيا شتاتىندا ورنالاسقان قۇس فەرمالارىنىڭ بىرىنەن اق ۇيگە ارناپ توم I جانە توم II اتتى 2 كۇركەتاۋىق تاڭداپ قويىلدى. قۇرباندىققا ازىرلەنگەن قوس تاۋىق باراك وباما اتىنان بەرىلەتىن مەرەكەلىك قوناقاسىنا ۇسىنىلماق. ازىرگە ۋاقىتشا اتقا يە ولاردىڭ رەسمي ەسىمدەرى اق ۇيدەگى بايقاۋدان سوڭ بەلگىلى بولماق. امەريكالىق شارۋالار فەدەراتسياسىنىڭ ەسەبىنشە 2009 -جىلعى مەرەكە تۇسىندا ا ق ش اۋماعىندا شامامەن 46 ميلليون كۇركەتاۋىق قاقتالعان ەكەن. بۇل كورسەتكىش جىل ساناپ ۇلعايىپ كەلەدى. قۇس تۇماۋى ىندەتىنىڭ كەسىرىنەن بيىل ونىڭ باعاسى دا كۇرت قىمباتتاپ كەتكەن.
اۆتورى: جىگەر سارسەن
